БАРИМТ: Гадаадад суугаа Улаанбаатар хотын төлөөлөгчдөд САР БОЛГОН улсаас ₮9-17 саяын цалин олгодог уу?
Улаанбаатар хотын төлөөлөгч гэх албан тушаалыг хашиж гадаад оронд амьдарч буй хүмүүс сар болгон улсаас 9-17 сая төгрөгийн цалин авдаг гэх мэдээлэл шүүмжлэл дагуулж байна.
Тухайлбал Солонгос улсын Сөүл, ОХУ-ын Москва, Польш улсын нийслэл Варшав зэрэг хотод Улаанбаатар хотыг төлөөлөн суух нэр бүхий гишүүд өндөр цалин хангамж авч, сул орон тоог бий болгосон гэх асуудлын мөрөөр ШИЛЭН ДАНС-ны мэдээллийг нягталлаа.
Нийслэлийн Засаг Даргын Тамгын Газрын (НЗДТГ)-ын шилэн дансны мэдээлэлд "Цалингийн зардлаас бусад таван сая төгрөгөөс дээш үнийн дүн бүхий зарлагын мөнгөн гүйлгээ"-ний дүнг нээлттэй байршуулжээ.
2024 оны долдугаар САРЫН ЦАЛИНГИЙН мэдээллийг харахад:
- Төлөөлөгч Э.Цэлмүүн 17.2 сая
- Төлөөлөгч Ц.Сандуй 17.2 сая
- Төлөөлөгч М.Мөнхцэцэг 15.5 сая
- Төлөөлөгч Д.Батмөнх 9.1 сая
- Төлөөлөгч Б.Хажидмаа 13.1 сая төгрөгийн цалингаа өнгөрсөн сард авчээ.
Цалин хангамжийн мэдээллийн дэлгэрэнгүйг ЭНД дарж харах боломжтой.
Тэгвэл тэдгээр албан тушаалтан сар болгон их хэмжээний цалин бодуулж, гадаадад Улаанбаатар хотыг төлөөлөн суурьшиж буй асуудлыг нягтлахаар НЗТГ-аас тодруулсан боловч одоогоор хариу хэлээгүй байна.
Шилэн дансны мэдээлэл ба төлөөлөгчдийн сарын цалин:
Харилцагч байгууллагын нэрсийн жагсаалт дунд дурдагдсан хүмүүс:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
