Оманы Султант улсын Гадаад хэргийн сайд манай улсад өнөөдөр айлчилна
Гадаад харилцааны сайд Б.Батцэцэгийн урилгаар Оманы Султант Улсын Гадаад хэргийн сайд Сайид Бадр Бин Хамад Бин Хамуд Албусайди Монгол Улсад 2024 оны наймдугаар сарын 25-26-ны өдрүүдэд албан ёсны айлчлал хийнэ. Энэ нь Оманы талаас Гадаад хэргийн сайдын түвшинд хэрэгжүүлж буй анхны айлчлал юм.
Айлчлалын үеэр Гадаад харилцааны сайд нар албан ёсны хэлэлцээ хийж, хоёр улсын найрсаг харилцаа, хамтын ажиллагааг өргөжүүлэн хөгжүүлэх өргөн хүрээний асуудлаар ярилцахаас гадна хамтын ажиллагааны баримт бичигт гарын үсэг зурна.
Оманы Султант Улсын Гадаад хэргийн сайд Сайид Бадр Бин Хамад Бин Хамуд Аль-Бусайди айлчлалынхаа хүрээнд Монгол Улсын Ерөнхийлөгч У.Хүрэлсүхэд бараалхах хөтөлбөртэй байна.
Монгол Улс, Оманы Султант Улстай 1992 оны дөрөвдүгээр сарын 27-ны өдөр дипломат харилцаа тогтоожээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
8 СЭТГЭГДЭЛТЭЙ
|
