• 12 сарын 22, Ням
|
Уншиж байна ...
Зураг
Зураг
ХУУЧИРСАН МЭДЭЭ: 2024/08/21-НД НИЙТЛЭГДСЭН

ФОТО: Халхын голын дайны түүхэнд холбогдох Монгол, Оросын архивын нийтэд дэлгэгдсэн баримт бичиг, үзмэрүүд

Д.Янжиндулам, ikon.mn
2024 оны 8 сарын 21
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Монгол Улс, Оросын Холбооны Улсын төрийн архив болон музейн сан хөмрөгт хадгалагдан буй шинэ шинэ баримт, биет үзмэрийг дэлгэн харуулсан “Халхын гол-85 жил” хамтарсан үзэсгэлэн Чингис хаан Үндэсний музейд нээгджээ. Үзэсгэлэн есдүгээр сарын 16-ны өдрийг хүртэл олон нийтэд нээлттэй байна.

Хамтарсан үзэсгэлэн Халхын голын дайны урьдач нөхцөл, үйл явц, сургамж, үр дүнг нэхэн тодруулж, түүхэн үнэнийг гадаад, дотоодын архивын хосгүй үнэт баримт, музейн сан хөмрөгийн түүхэн биет үзмэрт тулгуурлан дөрвөн хэсэгт ангилж, ард иргэд, залуу үед танин мэдүүлэх, эх оронч үзэл хүмүүжлийг төлөвшүүлэх зорилготой аж. 

1. Дайны оршил үе /1934.07.26-1939.05.27/
2. Дайны өрнөл, үйл явц /1939.05.28-1939.09.16/
3. Дайны төгсгөл /1939.09.16-1941.10.15/
4. Дайны сургамж

Архивын баримт, эд өлгийн үзэсгэлэнд Оросын талаас Оросын Холбооны Улсын Холбооны архивын агентлаг, Оросын Цэргийн төв архив, Оросын Кино, гэрэл зургийн төв архивууд оролцож байгаа бол Монголын талаас Засгийн газрын хэрэгжүүлэгч агентлаг Архивын ерөнхий газар, Үндэсний төв архив, Гадаад харилцааны төв архив, Батлан хамгаалахын төв архив, Монгол цэргийн музей, Дорнод аймгийн Халх гол сумын “Ялалт” музей хамтран өөрсдийн сан хөмрөг дэх 85 жилийн тэртээх эх орноо батлан хамгаалах, харийн дайснаас эх орноо чөлөөлөх түүхэн ялалтыг байгуулсан Халхын голын дайны түүхэнд холбогдох Монгол, Оросын архивын сан хөмрөгийн ховор баримт бичиг, музейн түүхэн үзмэрүүдийг дэлгэжээ.