S’Outlets дэлгүүрийн буулгасан талбайд үерийн хамгаалалтын далан барьж байна

Сэлбэ голын эхэд байгуулсан усан тохируулгын урсцыг түр хааж, S’Outlets дэлгүүрийн буулгасан талбайд үерийн хамгаалалтын далан барьж буй.

Үүнтэй холбоотойгоор голын ус татарсан бөгөөд энэ талаар УБЗАА-ны Хотын инженерийн байгууламжийн хэлтсийн дарга М.Балдандоржоос тодрууллаа.

Тэрбээр “Сэлбэ голын голдирлыг өөрчлөн барьсан S’Outlets дэлгүүрийн буулгасан талбайд үерийн хамгаалалтын далан барихын тулд голын урсцыг багасгах зорилгоор тухайн голын эхэд байгуулсан усан тохируулгын сангаас усыг түр хааж буй.

Өнөөдөр үндсэн далангийн цутгалтын ажил эхэлж байна. Уг даланг хийж дуусахаар усыг тохируулан нээхээр гол хэвийн урсцаар урсах хэдий ч намрын улирал болж буй тул ус тодорхой хэмжээнд багасна” гэв.

Эх сурвалж: НЗДТГ-ын Хэвлэл мэдээлэл, олон нийттэй харилцах хэлтэс