Булган аймгийн Булган сумын хогийн цэгийг булшлах явцад гарсан галыг унтраахаар ажиллаж байна
"Булган аймгийн Булган суманд хогийн цэг шатааж их хэмжээний утаа гаргаж агаар орчныг бохирдуулж байна" гэх иргэдийн гомдлын дагуу Байгаль орчны мэргэжлийн байгууллагууд газар дээр нь ажиллаж байна.
Тодруулбал Булган аймгийн Булган сумын Засаг даргаас төвлөрсөн хог хаягдлын цэгийн хогийг ландфиллын аргаар дарж булшлахаар Орхон аймагт үйл ажиллагаа явуулдаг “Тосон бумбын орон” ХХК-тай гэрээ байгуулжээ.
Гэрээний дагуу тус компани нь хогийн цэгийг булшлах явцдаа шатааж, улмаар агаарт их хэмжээний утаа дэгдэж галыг унтрааж чадахгүй хэмжээнд хүрсэн байна.
“Тосон бумбын орон“ ХХК, Булган аймгийн Булган сумын Засаг дарга, Булган аймгийн Онцгой байдлын газартай хамтран галыг унтраах арга хэмжээ авч ажиллаж байгааг Байгаль Орчин, Уур Амьсгалын Өөрчлөлтийн Яамнаас мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
10 СЭТГЭГДЭЛТЭЙ
|
