ПАРИС 2024: М.Энхжаргал медалийн төлөө Туркийн боксчинтой тулалдана
Парисын олимпын боксын төрөлд эмэгтэйчүүдийн 54 кг-д Дэлхийн Аварга Шалгаруулах Тэмцээн (ДАШТ)-ий хүрэл медальт (2023) "Алдар" спорт хорооны тамирчин М.Энхжаргал өнөөдөр хоёр дахь тулаанаа хийлээ.
Тэрбээр Румыны тамирчин Лакрамиоара Перичочтой учраа таарч, 4:1-ээр ялалт байгуулав.
Уг тулааныг дэнсэлсэн таван шүүгчийн дөрөв нь манай тамирчныг илүүрхсэн гэж үзсэн аж.
Түүний дараагийн өрсөлдөгч нь ДАШТ-ий алтан медальт (2022) Туркийн Хатич Акбаш байх юм.
Медалийн төлөөх хариуцлагатай тулааныг Улаанбаатарын цагаар наймдугаар сарын 1-ний 23:22 цагт хийнэ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
