Олон улсын физикийн 54 дүгээр олимпиадад оролцож буй монгол сурагчид БАГААРАА МЕДАЛЬ хүртжээ
iKon.MN
Гэрэл зургийг Munkhbayar Gombosuren хаягаас авав
Иран улсын Исфахан хотод долдугаар сарын 21-29-нд Олон улсын физикийн 54 дүгээр олимпиад зохион байгуулагдаж байна.
Тус олимпиадад оролцож буй монгол сурагчид нэг мөнгө, дөрвөн хүрэл буюу бүгд медальт байранд шалгарчээ.
Тодруулбал
- Ганболдын Азжаргал МӨНГӨН медаль /Сант сургууль, 11 дүгээр анги/
- Соёлхүүгийн Атархүү ХҮРЭЛ /Сант сургууль, 12 дугаар анги/
- Гүрбазарын Батбаяр ХҮРЭЛ медаль /Шинэ-Үе сургууль, 11 дүгээр анги/
- Мөнхтулгын Мөнх-Оргил ХҮРЭЛ /1 дүгээр сургууль, 10 дугаар анги/
- Эрхэмбаярын Ичинбат ХҮРЭЛ медаль /Орхон аймаг, ЯШУТ сургууль, 10 дугаар анги/ тус тус медаль хүртсэнийг Монголын багийн ахлагч багш, Монгол Улсын Их Сургууль(МУИС)-ийн Шинжлэх Ухааны Сургуулийн багш Г.Мөнхбаяр цахим хуудсандаа мэдээлжээ.
Гэрэл зургийг Munkhbayar Gombosuren хаягаас авав
Түүнчлэн Монголын багийн сурагчдын дасгалжуулагч багшаар
- Дасгалжуулагч багш Мягмарын Отгонбаатар /МУИС, ШУС-ийн багш/
- Дасгалжуулагч багш Цэдэнбалжирын Энхбат /ШУА, ФТХ/
- Ажиглагч Начингийн Оюунчимэг /УБ хот, 1-р сургуулийн багш/ нар ажиллаж байна.
Гэрэл зургийг Munkhbayar Gombosuren хаягаас авав
Ташрамд дурдахад өнгөрсөн оны Олон улсын физикийн 53 дугаар олимпиадаас нэг мөнгө, хоёр хүрэл медаль, нэг шагналт байр хүртэж байв.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
