Есөн хүний бүрэлдэхүүнтэй Нийслэлийн сонгуулийн хороог П.Хадбаатар ахална
Нийслэлийн сонгуулийн хороог есөн хүний бүрэлдэхүүнтэй байгуулж, Нийслэлийн ЗДТГ-ын дарга П.Хадбаатар ахалж ажиллахаар болжээ.
П.Хадбаатар нь хуульч, эрх зүйч мэргэжилтэй. Шүүхийн шийдвэр гүйцэтгэх ерөнхий газар, Хууль зүй, дотоод хэргийн яам зэрэг байгууллагад ажиллаж байсан туршлагатай байна.
Нийслэлийн сонгуулийн хорооны бүрэлдэхүүнд нутгийн удирдлагын болон нутгийн захиргааны байгууллага, Төрийн албаны зөвлөлийн албан хаагчид багтжээ.
2024 оны аравдугаар сарын 11-нд аймаг, нийслэл, сум, дүүргийн ИТХ-ын сонгуулийн санал авах өдөр. Сонгуулиар НИТХ-ын 45 төлөөлөгч сонгогдох юм.
Хуульд санал авах өдрөөс 70-аас доошгүй хоногийн өмнө бүх шатны Сонгуулийн хороог байгуулахаар заасан байдаг. Энэ дагуу Нийслэлийн сонгуулийн хороог байгуулжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
1 СЭТГЭГДЭЛТЭЙ
|
