Нийслэлийн 2024-2025 оны өвөлжилтийн бэлтгэл ажлын явц 45 хувьтай байна
Нийслэлийн 2024-2025 оны өвөлжилтийн бэлтгэл хангах ажил үргэлжилж байна.
Энэ хүрээнд цахилгаан, дулааны эх үүсвэр болон инженерийн хангамжийн байгууллага, харьяа газар, дүүргүүд нийт 654 төсөл, арга хэмжээг хэрэгжүүлэхээр төлөвлөсөн юм. Долдугаар сарын 22-ны өдрийн байдлаар 45 хувийн гүйцэтгэлтэй байгааг НЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.
Одоогоор хамгийн өндөр гүйцэтгэлтэй байгаа нь Нийслэлийн Авто Замын Хөгжлийн Газар. Уг газраас 17 төсөл, арга хэмжээг хэрэгжүүлэхээр төлөвлөснөөс 90.4 хувийг нь хийж гүйцэтгэжээ. Харин Улаанбаатар Цахилгаан Түгээх Сүлжээ ТӨХК 31 төсөл, арга хэмжээг хэрэгжүүлэхээс дээр дурдсан хугацаанд 20 хувийг нь гүйцэтгэсэн байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
