• 12 сарын 27, Баасан
|
Уншиж байна ...
Зураг
Зураг
ХУУЧИРСАН МЭДЭЭ: 2024/07/18-НД НИЙТЛЭГДСЭН

Умайн хүзүүний хавдрын вакцинжуулалтыг нэвтрүүлэхэд $2.6 саяын дэмжлэгийг Олон улсын вакцины холбоо үзүүлнэ

П.Зоригт, IKON.MN
2024 оны 7 сарын 18
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Умайн хүзүүний хорт хавдраас сэргийлэх, эрт илрүүлж эмчлэхэд Дэлхийн Эрүүл Мэндийн Байгууллага (ДЭМБ) хамтран ажиллахаар болжээ. 

Энэ асуудлаар ДЭМБ-ын Монгол Улс дахь Суурин төлөөлөгч Др.Сокорро Эскалантег хүлээн авч уулзсан байна. 

Эрүүл мэндийн сайд Т.Мөнхсайхан хэлэхдээ "Манай улсад хавдрын шинэ тохиолдлууд буурахгүй байна. Шинээр бүртгэгдсэн хавдрын тохиолдлуудын дийлэнх нь хожуу шатанд оношлогдож байгаагаас гадна хавдрын шалтгаант нас баралтаар дэлхийд тэргүүлсээр.

Цаашид эрт илрүүлгийг оновчтой зохион байгуулах замаар аль болох олон тохиолдлыг бага зардлаар эрт илрүүлж, эмчилгээнд хамруулахад онцгой анхаарч ажиллана" гэлээ.

зураг
 

Эмэгтэйчүүдийн дунд түгээмэл тохиолддог умайн хүзүүний хорт хавдрыг үүсгэгч Хүний Папиллома Вирусийн эсрэг вакциныг энэ оны аравдугаар сараас эхлэн товлолын дархлаажуулалтын хөтөлбөрийн хүрээнд үндэсний хэмжээнд нэвтрүүлэх болсон. 

Үүнтэй холбоотойгоор Олон улсын вакцины холбоо (Гави)-гаас уг вакциныг нэвтрүүлэх ажилд 2.6 сая ам.долларын санхүүгийн дэмжлэг үзүүлэх болжээ. 

Уг санхүүжилтийн нэг сая ам.долларыг ДЭМБ, үлдсэн 1.6 сая ам.долларыг Нэгдсэн Үндэстний Байгууллагын Хүүхдийн сангаар дамжуулан зарцуулах тул Засгийн газар, Эрүүл Мэндийн Яам болон хөгжлийн түнш олон улсын байгууллагуудын хамтын ажиллагаа, үйл ажиллагааны уялдаа туйлын чухал болохыг онцоллоо. 

Суурин төлөөлөгч Др.Сокорро Эскаланте "Эрт илрүүлгийг оновчтой зохион байгуулах, өвчнөөс урьдчилан сэргийлэх, хянах замаар халдварт болон халдварт бус өвчлөл, тэдгээрийн шалтгаант нас баралтыг бууруулах чиглэлээр Засгийн газрын үйл ажиллагааг бүхий л талаар дэмжиж ажиллана" гэв. 

 

Эх сурвалж: Эрүүл Мэндийн Яам