Л.Энх-Амгалан: Наадам, сар шинийн баярын амралтын өдрийг нэмэгдүүлэх нь зөв зохицуулалт болох талтай
Засгийн газрын шинэ бүтцээр манай улс Гэр Бүл, Хүний Хөгжлийн Яамтай болоод буй. Уг салбарын сайд наадам болон цагаан сарын баярын амралтын өдрийг нэмэх асуудлыг хөндсөн байна.
Тэрбээр цахим хуудсандаа "Монгол Улсын хэмжээнд бүх нийтээр тэмдэглэх 16 баярын өдрөөр 16 удаа амардаг. Үүнийг цөөлж, үндэсний их баяр наадам, сар шинийн баярын амралтын өдрийг нэмэгдүүлэх нь зөв зохицуулалт болох талтай нь ажиглагдаж байна.
Та бүхэн энэ асуудал дээр ямар саналтай байгаагаа нээлттэй хуваалцана уу" гэжээ.
Хэрэв олонх санал нийлбэл хуульд өөрчлөлт оруулах бололтой.
Нийтээр тэмдэглэх баярын болон тэмдэглэлт өдрийн тухай хуульд зааснаар үндэсний их баяр наадмаар 6, цагаан сараар 3 өдөр амардаг бол бусад баяраар нэг өдөр амрах зохицуулалттай байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
