Зургаадугаар сард гүйлгээнд гаргасан бэлэн мөнгө ₮1.3 их наяд болж, өмнөх сараас 113 тэрбумаар өсжээ
Үндэсний Статистикийн Хорооноос/ҮСХ/ энэ оны зургаадугаар сарын мөнгөний нийлүүлэлтийн мэдээллийг танилцууллаа. Тус байгууллагаас сар бүр мэдээлдэг билээ.
Төгрөгийн хадгаламж энэ оны зургаадугаар сарын эцэст урьдчилсан гүйцэтгэлээр өмнөх оны мөн үеэс 36.2 хувиар өсжээ
Mөнгөний нийлүүлэлт 41.4 их наяд төгрөг болж, өмнөх оны мөн үеэс 10 (31.7%) их наяд төгрөгөөр өсөхөд төгрөгийн хадгаламж 5.2 (36.2%) их наяд төгрөгөөр, төгрөгийн харилцах 3.3(44. 3%) их наяд төгрөгөөр өссөн нь нөлөөлсөн байна.
Зургаадугаар сард гүйлгээнд гаргасан бэлэн мөнгө 1.3 их наяд төгрөг болж, өмнөх сараас 113.3(9.3%) тэрбум төгрөгөөр, өмнөх оны мөн үеэс 239.7 (21.8%) тэрбум төгрөгөөр өсжээ.
Төгрөгийн хадгаламж 19.6 их наяд төгрөг болж, өмнөх сараас 762.3(4.0%) тэрбум төгрөгөөр, өмнөх оны мөн үеэс 5.2 (36.2%) их наяд төгрөгөөр өсжээ.
Төгрөгийн хадгаламжийн 16.7 (85.5%)их наяд нь иргэдийн, 2.8 (14.5%)их наяд төгрөг нь аж ахуйн нэгж, байгууллагынх.
Валютын хадгаламж 4.6 их наяд төгрөг болж, өмнөх сараас 232.2 (5.3%) тэрбум төгрөгөөр өсөж, өмнөх оны мөн үеэс 594.6 (11.4%) тэрбум төгрөгөөр буурчээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
