ТАНИЛЦ: Энэ удаагийн парламентын Төрийн байгуулалтын Байнгын хороо хамгийн олон сайдтай
126 гишүүнтэй парламентын танхим анхдугаар чуулганаа хуралдуулж, Байнгын хорооны дарга, гишүүдийг томилоод буй.
Энэ удаагийн УИХ 11 Байнгын хороотой бөгөөд хороо тус бүр 12-24 гишүүнтэй.
- Аж үйлдвэржилтийн Байнгын хороо
- Аюулгүй байдал, гадаад бодлогын Байнгын хороо
- Байгаль орчин, хүнс, хөдөө аж ахуйн Байнгын хороо
- Боловсрол, соёл, шинжлэх ухаан, спортын Байнгын хороо
- Ёс зүй, дэгийн Байнгын хороо
- Инновац, цахим бодлогын Байнгын хороо
- Нийгмийн бодлогын Байнгын хороо
- Төрийн байгуулалтын Байнгын хороо
- Төсвийн Байнгын хороо
- Хууль зүйн Байнгын хороо
- Эдийн засгийн Байнгын хороо
Эдгээрээс Төрийн байгуулалт, Эдийн засгийн Байнгын хороо хамгийн олон буюу 24 гишүүнтэй байна.
Байнгын хорооны бүрэлдэхүүнд Засгийн газрын гишүүд ч багтжээ. Тухайлбал сайд, Боомтын сэргэлтийн үндэсний хорооны дарга Б.Тулга Аж үйлдвэржилтийн Байнгын хорооны гишүүн болсон байна.
- Боловсролын сайд П.Наранбаяр
- Зам, тээврийн хөгжлийн сайд Б.Дэлгэрсайхан
- ХХААХҮ-ийн сайд Ж.Энхбаяр
- Сайд, "20 минутын хот" Үндэсний хорооны дарга Р.Эрдэнбүрэн нар Аюулгүй байдал, гадаад бодлогын Байнгын хорооны гишүүн болжээ.
Төрийн байгуулалтын байнгын хороонд "давхар дээлтэй" Засгийн газрын гишүүдээс
- Ерөнхий сайд Л.Оюун-Эрдэнэ
- Тэргүүн шадар сайд, Эдийн засаг, хөгжлийн сайд Л.Гантөмөр
- Онцгой байдлын асуудал эрхэлсэн шадар сайд С.Амарсайхан
- Батлан хамгаалахын сайд С.Бямбацогт
- Сайд, Хяналт, үнэлгээний Үндэсний хорооны дарга Э.Одбаяр
- Өрсөлдөөний асуудал хариуцсан шадар сайд Т.Доржханд
- Аж үйлдвэр, эрдэс баялгийн сайд Ц.Туваан
- Сайд, Засгийн Газрын Хэрэг Эрхлэх Газрын дарга Н.Учрал
- Гэр бүл, хүний хөгжлийн сайд Л.Энх-Амгалан нар багтсан нь хамгийн олон сайдтай.
Хамгийн олон гишүүнтэй Эдийн засгийн Байнгын хорооны бүрэлдэхүүнд МАН-аас жагсаалтын нэгт бичигдэж, УИХ-д сонгогдсон Г.Лувсанжамц, АН-аас мөн жагсаалтаар сонгогдсон хамгийн залуу гишүүн С.Цэнгүүн, Ерөнхийлөгч асан, УИХ-ын гишүүн Х.Баттулга нар сонгогджээ. Тус Байнгын хорооны дарга нь Өмнөговь аймгаас сонгогдсон УИХ-ын гишүүн Р.Сэддорж.
Байнгын хороодын дарга, гишүүн:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
