Капитрон банкны 2024 оны эхний хагас жилийн санхүүгийн тайлан

Капитрон банк ХК нь 2024 оны эхний хагас жилийн санхүүгийн аудитлагдаагүй тайлангаа харилцагчид, хамтрагч байгууллагууд, хувьцаа эзэмшигчид болон олон нийтэд нээлттэй танилцуулж байна. 

2024 оны эхний хагас жилийн санхүүгийн голлох үзүүлэлтүүдээс онцолбол:

• Банкны нийт актив 2024 оны нэгдүгээр улирлаас 1.8 хувиар өсөж, 2.4 их наяд төгрөгт хүрсэн бол нийт зээл 956 тэрбум төгрөгт хүрч, өмнөх улирлаас 14.3% өслөө.
• Нийт депозит 1.4 их наяд төгрөгт (нэгдүгээр улирлаас 6.8% өссөн), өөрийн хөрөнгө 214.3 тэрбум төгрөгт (нэгдүгээр улирлаас 6.4% өссөн) хүрээд байна.  
• Татварын дараах цэвэр ашиг 27.7 тэрбум төгрөгт хүрч, нэгдүгээр улирлаас +57.6%-р өслөө. Ашигт ажиллагааны энэхүү өсөлтөд цэвэр хүүгийн орлогын өсөлт (75.9% өссөн) болон активын чанарын үзүүлэлт сайжирсан (эрсдэлийн сангийн цэвэр зардал 375.7% өссөн) нь голлон нөлөөлсөн.

Тайлант хугацаанд Капитрон банк нь Монголбанкнаас тогтоосон зохистой харьцааны шалгуур үзүүлэлтүүдийг бүрэн хангаж ажиллалаа. Үүнд:

Төлбөр түргэн гүйцэтгэх чадварын үзүүлэлт 47.53% (зохистой түвшнээс 22,53%-иар илүү), нэгдүгээр зэрэглэлийн өөрийн хөрөнгө болон эрсдлээр жигнэсэн активын зохистой харьцаа 18.90% (зохистой түвшнээс 9.9%-иар илүү) хүрч нэмэгдсэн нь банкны эрсдэл даах чадвар нэмэгдсэн эерэг үзүүлэлт юм.

Капитрон банк нь үүсэн байгуулагдсан цагаасаа хойш Монгол Улсын банк, санхүүгийн системд тогтвортой өсөлттэй ажиллаж, банкны санхүүгийн үзүүлэлтүүд жил бүр тогтмол өсч, банкны системд эзлэх байр сууриа улам бэхжүүлсээр байна. 100 жилийн түүхтэй банкны салбарын 23 жилийн түүхийг хамтдаа бүтээлцэж буй нь бидний бахархал юм.  

Бидэнд итгэж хамтран ажилладаг харилцагчид, түншүүддээ талархал илэрхийлье!

 

 

 

Капитрон банк – Ухаалаг ирээдүйн зүгт!