Наадамд амжилт гаргасан 48 тамирчны допингийн шинжилгээний хариу Германы лабораториос иржээ
Монголын үндэсний допингийн эсрэг байгууллагаас бөхийн барилдаанд шөвгөрч үлдсэн 32 бөх, үндэсний сурын харвааны эрэгтэй, эмэгтэй тус бүр найман харваач нийт 48 тамирчнаас допингийн шинжилгээ авч, долдугаар сарын 13-нд Герман улсын Дрезден хотын лабораторид хүргэж өгсөн байна.
Тус шинжилгээний урьдчилсан хариу өнөөдөр Үндэсний бөхийн салбар хороонд албан ёсоор иржээ.
Бөхийн салбар хороо Үндэсний их баяр наадам зохион байгуулах хороонд шинжилгээний хариуг танилцуулсны дараа 48 сорьцоос допинг илэрсэн эсэх талаар олон нийтэд зарлана хэмээн албаны эх сурвалж мэдээлэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
