Нуурын эрэг дээр амарч байсан зургаан хүний тав нь усны ослоор амь насаа алдсан байна
Өнөөдөр/2024.07.16/ зүүн аймгуудын нутгийн зүүн өмнөд хэсгээр бороо, дуу цахилгаантай аадар бороо орох тул үер ус, нөөлөг салхи, аянга цахилгааны аюулаас сэрэмжтэй байхыг Цаг уурын байгууллагаас анхаарууллаа.
Энэ сарын 15-ны байдлаар Туул, Балж, Онон, Хэрлэн, Буянт, Ховд гол үерийн түвшнийг 5-40 см давжээ. Иймд хөдөө орон нутагт амарч, аялж яваа иргэдийг усны ослоос сэргийлэхийг зөвлөв.
ОБЕГ-аас мэдээлснээр энэ сарын 14-нд Баян-Өлгий аймаг, Улаанхус сумын нутагт “Ногоон” нуурын эрэг дээр зургаан хүн амарч байснаас нэг нь усанд сэлж байгаад живэхэд дөрөв нь аврахаар орж 21-43 насны хоёр эмэгтэй, гурван эрэгтэй хүн живж амь насаа алдсан харамсалтай явдал болжээ.
Үерлэсэн голууд:
Өнгөрсөн хоногт төвийн аймгуудын нутгийн хойд болон зүүн хэсэг, зүүн аймгуудын ихэнх нутаг, говийн аймгуудын нутгийн зүүн хэсгээр 0.0-60. мм бороо, дуу цахилгаантай бороо орсон байна. Үүнээс хамгийн их нь Сүхбаатарын Мөнххаан, Түвшинширээ 60 мм, Уулбаян 52, Халзан 51 мм, Баяндэлгэр, Асгат 40 мм, Баруун-Урт 34 мм, Сүхбаатар, Түмэнцогт 30 мм, Хэнтийн Галшар 38.7 мм, Баян-Овоо 23 мм, Дорнодын Халхголд 33 мм, Сэргэлэнд 27 мм, Булган 22 мм, бусад нутгаар 0.0-20 мм бороо оржээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
