ФОТО: Бутан Улсын Хааны гэр бүл Монголчуудтай цуг наадлаа
Монгол Улсын ерөнхийлөгч Ухнаагийн Хүрэлсүхийн урилгаар төрийн айлчлал хийж буй Бутаны Хаант Улсын Цог Жавхлант Хаан Жигмэ Гэсэр Намжил Ванчук гэр бүлийн хамт Монголчуудтай наадлаа.
Хаан, хатан, хунтайж нар үндэсний их баяр наадмын нээлтийн арга хэмжээнд оролцож, сурын харваа, хурдан морины уралдааныг үзэж сонирхжээ. Энэ үеэр тэд Монгол соёл уламжлалтай биечлэн танилцаж, сур, шагай харваж, морь унаж үзсэн байна.
Тэд бас Цонжин Болдог дахь Их Эзэн Чингис Хааны морьт хөшөөнд очиж, Чингис Хаан Музей, Богд Хааны Ордон Музейг үзэж сонирхжээ.
Наадмын эхний өдөр Хаан Жигмэ Гэсэр Намжил Ванчук, хатан Жэцүн Пэма Ванчук, хунтайж Гялсэй Жигмэ Намгел, Гялсэй Уген Ванчук нарын оролцсон арга хэмжээнүүдийн гэрэл зургийг Бутаны хааны албан ёсны фэйсбүүк хуудаснаас авсныг хүргэж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
