Гэрэл зургийг MPA агентлагийн онцгой зөвшөөрөлтэйгөөр ашиглав

Чех болон Словак улсад амьдран суугаа монголчууд энэ сарын 6-нд наадмаа хийжээ. Баяр наадамд урлагийн авьяастнууд, хөөрхөн золбоолог хүүхэд багачууд маань дуу хуур бүжиг хөгжмөөрөө бэлэг барьж уламжлалт бөхийн барилдаан, сур харваа, шагай харваа, нумт харвааны төрлүүдээр эр чадал, авхаалж самбаа, хурц хараа, сурц чадвараа гайхуулан түмнээ баясгав.

Энэ удаагийн наадмаар эх орноо таниулан сурталчлахад ихээхэн анхаарал тавьж монгол гэр амралтын газрыг түшиглэн үндэсний онцлогтой, үзэх сонирхох зүйл ихтэй өртөө гэрүүд байгуулж нийтэд дэлгэжээ.

• Урчуудын өртөө – Монгол зураач, уран бүтээлчид, гар урчуудын бүтээлийн үзэсгэлэн худалдаа
• Монгол тоглоом наадгайн өртөө – Хүүхэд багачууд үндэсний олон төрлийн тоглоом наадгайгаар тоглох, ардын аман тоглоом, хэлц заах сургах
• Монгол бүжгийн өртөө – Тайзан дээр олныг хамарсан үндэсний бүжгийн хөдөлгөөн заах, хамтран бүжих, наадмын хаалтад флашмоб хийж бүжиглэх
• Open mic өртөө – Орчин үеийн хөгжмийн урсгалаар ая дуу, уран бүтээл туурвих, туршиж үзэх боломжийг хүссэн хүн бүрд олгох
• Дээлтэй монгол өртөө – Үндэсний хувцсаараа гоёсон наадамчид маань наадмын талбайг тойрч алхах
• Монгол ахуй өртөө – монгол гэрийн уламжлалт эд хэрэглэл, засал тохижилтыг харуулсан байна.

Фото