Гэрэл зургийг MPA агентлагийн онцгой зөвшөөрөлтэйгөөр ашиглав

Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмын урианхай сурын харваа өчигдөр Төв цэнгэлдэх хүрээлнгийн сурын талбайд эхэлж, 365 харваач цэц мэргэнээ сорилоо.

Харваачдаас аймгийн мэргэн, спортын мастер Т.Галхүү 24 оноо, улсын мэргэн Б.Хатансайхан 23 оноо, спортын мастер Ц.Баасанхүү 23 оноо, спортын мастер Д.Өвгөнхүү 23 оноо, спортын дэд мастер М.Тогтохбаяр 23 оноо, улсын мэргэн Д.Баттулга 22 оноо, спортын мастер Б.Энхтүвшин 22 оноо, спортын мастер С.Алдар  22 оноогоор тус тус шалгарав.

Шилдэг найман харваачаас Баян-Өлгий аймгийн Буянт сумын уугуул, спортын мастер, аймгийн мэргэн Т.Галхүү 27 оноогоор түрүүлж, улсын мэргэн цолын болзол хангалаа. Түүнийг "Toyota Aqua" загварын машинаар мялаасан юм.

Улсын баяраар түрүүлсэн тамирчдын шинэ цолыг долдугаар сарын 12-нд олгодог билээ.

Буриад сурын харваа өнөөдөр эхэлнэ.

Фото