Гэр бүлийн хүчирхийллийн гэмт хэрэг нийслэлд 53.3 хувьтай бүртгэгджээ
iKon.MN
Гэрэл зургийг mpa.mn
Энэ оны эхний хагас жилийн хугацаанд прокурорын байгууллагаас гэр бүлийн хамаарал бүхий харилцаатай хүнийг байнга зодох, харгис хэрцгий харьцах зэргээр хүчирхийлэл үйлдсэн 429 хэрэгт хяналт тавьжээ.
Үүнээс 228 хэрэгт яллах дүгнэлт үйлдэн шүүхэд шилжүүлсэн байна.
Гэр бүлийн хүчирхийллийн гэмт хэрэгт холбогдсон хүмүүсийн дийлэнх нь 31-44 насныхан байсныг мэдээллээ.
Энэ төрлийн хэрэгт шалгагдсан 240 хүний
- 20 хувь нь 18-30
- 21.2 хувь 45-аас дээш
- 58.3 хувь нь 31-44 насныхан байгаа бол 44.1 хувь нь согтуугаар гэмт хэрэг үйлджээ.
Хүйсийн хувьд 95.8 хувь нь эрэгтэй, 53.7 хувь нь тодорхой эрхэлсэн ажилгүй иргэд байна.
Гэр бүлийн хүчирхийллийн гэмт хэрэг 2023 оны мөн үеэс 32 хувиар буурсан бөгөөд нийслэлд 53.3 хувь нь, орон нутагт 46.7 хувь нь бүртгэгджээ.
Эх сурвалж: Улсын Ерөнхий Прокурорын Газар
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
