Шинээр сонгогдсон парламентын гишүүд хэр их ЗЭЭЛТЭЙ ВЭ?
Улсын Их Хурал(УИХ)-ын 2024 оны сонгуульд олонхын саналаар сонгогдож, парламентад суухаар болсон 126 хүний хөрөнгө орлогын мэдүүлгээс харахад 81 хувь нь тэрбумтан байв.
Тэдний Хөрөнгө Орлогын Мэдүүлэг(ХОМ)-ээс зээлийн хэмжээг нь тодруулж үзэхэд эдийн засагч мэргэжилтэй, УИХ-ын гишүүн Чинбатын Номин хувийн хөрөнгө болон өрийн хэмжээгээрээ бусад 125 гишүүнээ хол хаяжээ. Тэрбээр ₮59.8 тэрбумын хөрөнгөтэй, ₮9 тэрбумын зээлтэй аж.
Түүнчлэн тэрбум давсан зээлтэй 10 гишүүн байгааг ХОМ-ээс нь харж болохоор байна.
Тухайлбал
- "Шарк" Д.Энхтүвшин гэж олонд танигдсан парламентын шинэ гишүүн 3.4 тэрбум
- Сонгинохайрхан дүүргийн иргэд сонгогчдын 58,914 саналаар УИХ-ын гишүүний болзол хангасан Энхбаярын Батшугар хоёр тэрбум
- УИХ-ын 1 дүгээр тойргоос сонгогдсон Г.Хосбаяр хоёр тэрбум төгрөгийн зээлтэй.
Харин хамгийн бага зээлтэй гишүүдийн эгнээнд шинэ парламентын гишүүн С.Замира, Б.Заяабал, Х.Болормаа нар орж байна.
Тодруулбал Иргэний Зориг Ногоон Намын жагсаалтын дөрөвдүгээрт бичигдсэн С.Замира гишүүн 17 саяын зээлтэй бол Монгол Ардын Намаас хоёрдугаар тойрогт дэвшсэн, гишүүн Б.Заяабал 5.6 сая төгрөгийн зээлтэй.
Шинээр сонгогдсон парламентын 126 гишүүний 68 нь зээлтэй бол үлдсэн гишүүд зээлийн мэдээлэлгүй байна.
График #1: УИХ-д сонгогдсон гишүүдийн зээлийн хэмжээ
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
