Уншиж байна ...

ФОТО: Сонгуулийн ирцийн мэдээ дамжуулах систем, санал тоолох төхөөрөмжийг орон даяар туршив

А.Төгөлдөр, iKon.mn
2024 оны 6 сарын 24
IKON.MN
зураг
 
Гэрэл зургийг MPA агентлагийн онцгой зөвшөөрөлтэйгөөр ашиглав

Монгол Улсын Их Хурлын 2024 оны ээлжит сонгуульд ашиглах сонгуулийн автоматжуулах хэрэгслийн программ хангамж, иж бүрдлийг 21 аймаг, есөн дүүргийн 2,198 хэсгийн санал авах байрын байршилд өнөөдөр нэгэн зэрэг шалган туршжээ.

Санал авах байранд ашиглах камерын систем, ирцийн мэдээ дамжуулах систем, санал тоолох төхөөрөмж түүний иж бүрдэл, сонгогчийн бүртгэлийн техник хэрэгслийг хэсгийн хороонд гэмтэлгүй хүргэж, дүнг саадгүй дамжуулж байгаа эсэхийг шалгах энэхүү үйл ажиллагааг улс төрийн нам, эвсэл болон иргэд, ажиглагчдын төлөөлөл хянаж, хэвлэл мэдээллийн байгууллага нээлттэй сурвалжилсан юм.

Шалган турших үйл ажиллагаанд Сонгуулийн ерөнхий хороо, аймаг, нийслэл, сум, дүүргийн сонгуулийн хороо, хэсгийн хороо болон мэдээллийн технологийн 141 багийн гишүүн, 2,620 даамал оролцжээ.

Түүнчлэн Сонгуулийн ерөнхий хорооны Мэдээллийг технологийн төв, Цахим хөгжил, харилцаа холбооны яам, Тагнуулын ерөнхий газрын төлөөлөл оролцсон “Сонгуулийн автоматжуулсан системд ашиглах программ хангамж, техник  хэрэгслийн ажиллагааг шалган туршиж, баталгаажуулан гэрчилгээ олгох ажлын хэсэг, Улсын бүртгэлийн ерөнхий газраас 2,198 хэсгийн хороонд ажиллах итгэмжлэгдсэн ажилтан оролцож Монгол Улсын Их Хурлын сонгуулийн тухай хууль, тогтоомжид заасан эрх, үүргийг хэрэгжүүлж удирдамж, зааврыг мөрдлөг болгон ажилласан байна.

Сонгуульд ашиглах сонгуулийн автоматжуулах хэрэгслийн программ хангамж, иж бүрдлийг шалгаж байгааг харуулсан фото мэдээллийг хүргэж байна.