• 1 сарын 15, Лхагва
|
Уншиж байна ...
Зураг
Зураг
ХУУЧИРСАН МЭДЭЭ: 2024/06/20-НД НИЙТЛЭГДСЭН

ГРАФИК: БНСУ, АНУ, Япон, Австрали улсаас хамгийн их хүн УИХ-ын сонгуульд оролцохоор бүртгүүлжээ

Н.Эрхбаяр, iKon.mn
2024 оны 6 сарын 20
iKon.MN

Гадаад улсад ажиллаж, амьдарч буй иргэд УИХ-ын 2024 оны ээлжит сонгуульд өнөөдрөөс саналаа өгч эхэллээ. Санал хураалт зургаадугаар сарын 23-ныг дуустал тухайн орон нутгийн цагаар 07:00-22:00 цагт болно.

Гадаад улсад байгаа сонгогчид УИХ-ын 48 гишүүнийг хувь тэнцүүлэн төлөөлөх аргаар буюу нам, эвсэлд саналаа өгөх юм.

Энэ удаагийн сонгуульд гадаад улсад буй 13,095 иргэн саналаа өгөхөөр бүртгүүлжээ. БНСУ-аас хамгийн их буюу 2,983, АНУ-аас 1,862, Япон улсаас 1,282 хүн санал өгөх аж. Харин Египет болон Кувейт улсаас хамгийн бага буюу тус бүр 12 хүн санал өгнө. 

График #1:  Гадаад улсад байгаа сонгууль өгөхөөр бүртгүүлсэн иргэд улсаар

Харин саналаа өгөх монгол иргэдийг амьдарч буй хотоор нь харвал Сөүл хотоос 2,656, Канберра хотоос 1,282, Токио хотоос 1,177 хүн УИХ-ын сонгуульд санал өгөх юм.

Манай улсын хөршүүдийн нийслэл Москвагаас 370, Бээжингээс 347 хүн санал өгөхөөр бүртгүүлсэн байна.

График #1:  Гадаад улсад байгаа сонгууль өгөхөөр бүртгүүлсэн иргэд хотоор

Мөн энэ удаагийн сонгуульд гадаадад ажиллаж, амьдарч буй 20-39 насныхан хамгийн их оролцохоор болжээ. 

График #1:  Гадаад улсад байгаа сонгууль өгөхөөр бүртгүүлсэн иргэд насны ангиллаар