ФОТО: Ц.Бямба-Отгон улсын арслан цол хүртэж, улсын аварга О.Хангай “үлэмж бадрах” чимэг нэмлээ
Өнгөрсөн жилийн үндэсний их баяр наадмын бөхийн барилдаанд түрүүлж, улсын арслан цол хүртсэн М.Бадарчаас допингийн төрлийн бодис хэрэглэсэн нь тогтоогдсон.
Үүнтэй холбогдуулан түүнд өвдөг шороодсон бөхчүүдэд улсын цол, чимэг олгох арга хэмжээ Төрийн ордонд өнөөдөр боллоо.
Ерөнхийлөгчийн зарлигаар Тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ой, Үндэсний их баяр наадмын бөхийн барилдаанд М.Бадарчтай барилдаж өвдөг шороодсон дараах бөхчүүдэд улсын цол, чимэг хүртээлээ. Үүнд:
- Ховд аймгийн Мөнххайрхан сумын харьяат аймгийн хурц арслан Б.Баянмөнхийг тав давсанд тооцож улсын начин,
- Дундговь аймгийн Эрдэнэдалай сумын харьяат өсөх идэр начин Э.Дашийг зургаа давсанд тооцож улсын харцага,
- Архангай аймгийн Хашаат сумын харьяат улсын харцага С.Сүхбатыг долоо давсанд тооцож улсын заан,
- Өвөрхангай аймгийн Төгрөг сумын харьяат улсын гарди Ц.Бямба-Отгоныг ес давсанд тооцож улсын арслан цол олголоо. Харин улсын аварга О.Хангай “үлэмж бадрах” чимэг нэмж байна.
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
