ФОТО: Бурхан багшийн их дүйчин өдөрт зориулж "Ёс зүйг эрхэмлэе" уриан дор хүндэтгэлийн жагсаал боллоо
Төгс буянт монгол зурхайн цаг тооны бичигт тэмдэглэснээр "Хилэнт эх" хэмээх модон луу жилийн зуны тэргүүн сарын шинийн 15 буюу Бурхан багшийн их дүйчин өдөр тавдугаар сарын 23-ны Пүрэв гаригт тохиож байна.
Энэ өдөр бүх нийтээрээ амарна.
1999 онд Нэгдсэн Үндэстний Байгууллага (НҮБ)-ын Ерөнхий Ассамблей уг өдрийг олон нийтийн тэмдэглэлт өдөр болгож зарласан түүхтэй. Монгол Улсын хувьд бурхан багшийн дүйчин өдөр нь бүх нийтийн амралтын өдрөөс гадна тэмдэглэлт өдөр. Энэ жил "Ёс зүйг эрхэмлэе" уриан дор дүйчин өдрийг тэмдэглэж байна. Үүний зэрэгцээ хорих ангиудад болон хавдрын эмнэлэг дээр хүмүүнлэгийн үйл ажиллагааг зохион байгуулж буй юм.
Уг өдрийг угтаж өнөөдөр 9:00 - 11:00 цагт Сүхбаатарын талбайд бясалгалын арга хэмжээ зохион байгуулж, Гандантэгчэнлин хийд хүртэл төв замаар хүндэтгэлийн жагсаал боллоо.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
