imap.mn сайтаас очих газар луугаа хэдэн минут, ямар автобусаар явж болох зэрэг мэдээллийг харж болно
Нийтийн тээврийн шинэ маршрут шинэчлэлийн талаар холбогдох албаны хүмүүс өнөөдөр мэдээлэл өглөө.
Энэ үеэр онлайнаар автобусны чиглэл харж болох imap.mn сайтыг танилцуулав.
Тус сайтыг Nomad Geographic ХХК хийсэн бөгөөд гар утасны аппликэйшн нь удахгүй хэрэглээнд нэвтрэх юм байна.
Чиглэлийн мэдээллээ онлайнаар хэрхэн харах вэ?
imap.mn сайт руу орж "чиглэл" болон "нийтийн тээвэр" гэсэн хэсгүүдээс өөрийн зорчих автобусны буудал болон очих цэгийнхээ мэдээллийг харах боломжтой аж.
1. Байгаа газраасаа очих газар руугаа хэдэн минут, ямар автобусаар явж болохыг харж болно.
Доор заасан чиглэл заах товч дээр дарснаар өөрийн байгаа цэгийг тодорхойлж хаашаа хүрэхээ тооцоолно. Улмаар автобусаар явбал хэдэн минут зарцуулах, ямар чиглэлийн автобусанд суувал очиж болох зэрэг мэдээллүүд нь харагдана.
2. Автобусны чиглэл болон буудлыг харж болно.
Иргэд автобусны буудлууд дээрх болон автобусанд доторх QR кодыг уншуулж тухайн буудал дээр ямар автобуснууд ирэх, ямар автобусанд дамжин суух зэрэг мэдээллийг харж болно.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
76 СЭТГЭГДЭЛТЭЙ
|
