ФОТО: Нийслэлийн нийтийн тээврээр үйлчлүүлсэн иргэд алхахаас өөр сонголтгүй болсон үдэш
Улаанбаатар хотод өчигдөр/2023.11.08/ орой авто замын түгжрэл дээд цэгтээ хүрч, бидний хэлж заншсанаар 0 зогсолт боллоо.
Энхтайваны өргөн чөлөөгөөр нийтийн тээврийн автобус нэгдүгээр эгнээгээр явдаг хэдий ч бусад төрлийн автомашин "чихсэн" тул иргэд 4-5 цагийг зам дээр өнгөрөөж, дийлэнх нь алхаж, автобуснууд хоосон шахуу зогсож байв.
Автобусаар зорчиж байгаа иргэд:
- - Ажлаасаа 16:00 цагт гарч, Багшийн дээдээс автобусанд суусан ч 10 дугаар хороолол хүртэл дөрвөн цаг явж байна.
- - Хол гэртэй болохоор автобуснаас бууж алхаад ч мөд очихгүй. Үндсэн хуулиар олгогдсон эрүүл, аюулгүй орчинд амьдрах эрх зөрчигдөж байна.
- - Өнгөрсөн онд нийтийн тээврийн автобусны нэгдүгээр эгнээг чөлөөтэй байлгахаар замын цагдаа нар зохицуулалт хийж байсан. Замын түгжрэл ихтэй өглөө, оройн цагт тэр зохицуулалтаа хийж байх хэрэгтэй.
- - Автомашинаас татгалзаж, нийтийн тээврээр үйлчлүүлсэн ч нэмэр алга хэмээн бухимдаж байлаа.
Харин Нийслэлийн хэвлэлийн хэлтсээс 391 осол гарч, ослын тоо энгийн өдрүүдээс 30%-аар нэмэгдсэн. Таван шарын гармыг өчигдөр 28 удаа хаасан, гармын цасыг цэвэрлэхийн тулд 20 минут хөдөлгөөн зогсоосон. Хоёр байршилд ачааны машин эвдэрч 40 минутаас 1:30 цаг зогссон гэх шалтгаануудыг хэлж байна.
Фото
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
