ФОТО: Монголын сагсан бөмбөгийн эмэгтэй шигшээ баг БНХАУ-ын шигшээд 46:101 онооны харьцаатай хожигдов

Н.Эрхбаяр, iKon.mn

2023 оны 9 сарын 28

iKon.MN

Гэрэл зургийг MPA агентлагийн онцгой зөвшөөрөлтэйгөөр ашиглав

"Ханжоу 2022" 19 дэх удаагийн Азийн наадмын сагсан бөмбөгийн эмэгтэй шигшээ багуудын тоглолт өчигдөр эхэллээ.

Манай улсын шигшээ баг нээлтийн тоглолтоо БНХАУ-ын эсрэг хийж 46:101 онооны харьцаатайгаар ялагдал хүлээв. Эмэгтэй шигшээ баг өнөөдрийн тоглолтдоо эхний хагаст 60:26, сүүлийн хагаст 41:20 онооны харьцаатай дуусгасан юм. БНХАУ-ын эсрэг 19 хувьтай довтолсон бөгөөд 73 довтолгооноос 14-ийг нь оноо болгожээ. Харин чөлөөт шидэлтийг 69 хувьтай гүйцэтгэсэн байна.

Мөн зургаан удаа бөмбөг тасалж, 19 удаа алдаа гаргаж, зургаан ашигтай дамжуулалт өгчээ. О.Хулан 34:40 минут тоглохдоо 16 оноо авч, 36 хувийн амжилттай довтолсон үзүүлэлтээр багаа тэргүүлсэн юм.

Эмэгтэй шигшээ баг А хэсэгт БНХАУ, Энэтхэг, Индонезын шигшээ багтай орсон. Дараагийн тоглолтоо Энэтхэгийн шигшээ багийн эсрэг маргааш 20:00 цагт хийх юм. Эрэгтэй шигшээ баг В хэсэгт БНХАУ, Хонконг, Тайвань улстай багтсан. Дараагийн тоглолтоо Хонконгийн шигшээ багтай өнөөдөр 20:00 цагт тоглоно.

ФОТО:

Анхааруулга

Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!