Гэрэл зургийг MPA агентлагийн онцгой зөвшөөрөлтэйгөөр ашиглав

Хүй долоо худагт хоол үйлдвэрлэл үйлчилгээний 360 гаруй худалдааны цэг ажиллаж байна.

Наадмын хуушуур 2,000-3,000 төгрөгийн үнэтэй байгаа бол хорхог нэг хүний порц нь 20,000 төгрөг, мөстэй ундаа 2,000 төгрөгийн үнэтэй, хүүхдийн хийлдэг тоглоом дээр 30 минут тоглоход 5,000 төгрөг, автомат удирдлагатай машин 4,000 төгрөгөөр үйлчилж байв. Хоол үйлчилгээний аюулгүй байдлыг хангахаар явуулын шинжилгээний лабораториуд ажиллаж байгаа аж.

Ариун цэврийн байгууламжийн хувьд олон тооны био 00 байршуулж, хог тээврийн, бохир соруулах машин байнгын үйлчилгээнд байхаар зохион байгуулжээ.

 

Төв цэнгэлдэх хүрээлэн, МУБИС-аас Хүй долоон худаг руу нийтийн тээврийн автобус явж байгааг албаныхан мэдээлэв.

Хүй долоо худагт яг одоо бороо орж байгаа тул шүхрээ авч гарахыг санууллаа.

Хүй долоо худгаас хүргэж буй фото сурвалжилга