ХУУЧИРСАН МЭДЭЭ: 2023/06/26-НД НИЙТЛЭГДСЭН

ASEZ WAO сайн дурын байгууллагын гишүүд Чингэлтэй дүүргийн нутаг дэвсгэр дэх хуванцар хог хаягдлыг түүж цэвэрлэжээ

ikon.mn
2023 оны 6 сарын 26
iKon.MN
Зураг зураг

Сайн дурын ASEZ WAO-н залуус энэ сарын 25-ны өдөр Улаанбаатар хотын хуванцар хог хаягдал түүх ажилд манлайлан оролцлоо. Хотжилт, үйлдвэржилтийг дагаад хуванцар хог хаягдлын хэмжээ хурдацтай нэмэгдэж байгаа ч менежментийн оновчтой тогтолцоо бүрдээгүй байгаа дотоодын нөхцөлд энэхүү үйл ажиллагааг өрнүүлж байгаа нь ихээхэн сайшаалтай ажил болов.

ASEZ WAО-н гишүүд, хамтран ажиллагсад, ойр дотнынхон гээд нийт 90 гаруй хүн Чингэлтэй дүүргийн нутаг дэвсгэр, Их дэлгүүр орчмын гурван км газарт тус цэвэрлэгээний аяныг өрнүүлжээ. Хотын иргэд ихээр цуглардаг энэхүү газарт нэг удаагийн хуванцар аяганаас эхлээд цаасан аяга, лааз, хуванцар сав, гялгар уут гээд их хэмжээний хог хаягдал байсан байна. Хоёр цаг орчим үргэлжилсэн цэвэрлэгээний үеэр түүсэн хог хаягдал 108 уут, үүнээс 46 уут нь хуванцар хог хаягдал байв.

Тус үйл ажиллагаанд залуустай хамт оролцсон жүжигчин, МУСТА М.Дорждагва хэлэхдээ, “ASEZ WAO байгууллагын залуучууд өнөөдөр дэлхийн 175 улсад нэгэн зэрэг хуванцар хог хаягдлыг түүх, хуванцрын хэрэглээг багасгах зорилготой ийм үйл ажиллагаа зохион байгуулж байгаа юм байна. Энэ бол маш сайн хэрэг. Монголчууд бид зуны дэлгэр цагт энд тэнд амарч зугаалж явахдаа хэрэглэсэн ундаа, ус, уусан архины шил, идсэн хоолныхоо янз бүрийн сав хуванцрыг хогийн сав байсаар байтал зориулалтын хогийн саванд хийхгүй суусан газраа хаяад босоцгоодог. Ингэж байгаль орчиндоо маш аймшигтай хор хөнөөл учруулж байгаагаа өөрсдөө мэддэггүй. Дараа нь тэрийг цэвэрлэх гэж маш их хэмжээний зардал гарч, хүн хүч, цаг зав зарцуулах болно. Хүн өөрөө энэ мэт хог хаягдлыг хогийн сав руугаа хийчихдэг байгаасай” гэлээ.

зураг
 

“Өнөөдөр би монгол залуучуудтай хамт ASEZ WAO сайн дурын ажиллагааны нэг хэсэг болох “NO MORE GPGP” хуванцар хог хаягдал түүх үйл ажиллагаанд оролцлоо. Манай ASEZ WAO гэдэг нэр шиг эхнээс нь дэлхийг цэвэрлэцгээе гэсэн үйл ажиллагаа зөвхөн Солонгост ч биш дэлхий дахинд илүү их эрч хүчтэйгээр өргөжин дэлгэрч ертөнцийг өөрчлөх үйл ажиллагаа болоосой гэж хүсэж байна” хэмээн хуванцар хог хаягдал түүхэд гар бие оролцсон гишүүн Ким Мин Жон ярилаа.

Халуун нар шар төөнөсөн энэ өдөр тэр халуунд ажрахгүйгээр нарнаас илүү халуун сэтгэлээр хотынхоо гудамж талбайг цэвэрлэж буй залуусыг харж сэтгэл хөдөлсөн Залуучуудын хөдөлмөр эрхлэлтийн агентын төвийн захирал T.Энхмөрөн, “Монголын мянга мянган залууст хандан өнөөдрийн энэ нийгэмд сайн зүйлд ялангуяа сайн дурын үйл ажиллагаанд оролцсоноороо та ирээдүйн маш том гарц, боломж, карьераа өсгөж байдаг шүү гэж хэлмээр байна. Энэ гоё үйл ажиллагааг зохион байгуулж байгаа, энэ үйл ажиллагааг хэрэгжүүлж байгаа, энэ үйл ажиллагаанд оролцож байгаа нийт залуустаа дахин дахин баяр хүргэе” хэмээн тэдэнд урам хүч өглөө.

зураг
 

“Түвшинсайхан Мөнх” нийгэмд үйлчлэх ТББ-ын гүйцэтгэх захирал О.Лхагвасүрэн мөн сэтгэгдлээ хуваалцан, “175 орон нэгдэж эх дэлхийгээ хайрлах, хог хаягдлаас хамгаалах энэ үйлсэд миний бие бас гар бие оролцоод, мессеж өгөөд явж байгаадаа их талархаж байна. Энэ үйл ажиллагаа миний хувьд нэгэн шинэ мэдээ байлаа. Би ч уг нь их мэдээлэл сайтай байдаг. Тэгсэн харин Монгол улсын газар нутагтай тэнцэхүйц хэмжээний хогон арал бий болсныг мэдэж авлаа. Хог хаягдлыг багасгахаар хог цэвэрлэдэг баг хамт олныг минь дэмжээд сайн дураар хог хаягдал, ялангуяа хуванцар хог хаягдлыг ангилж ялгаад түүж бидний ажлыг дэмжиж байгаад ASEZ байгууллагадаа үнэхээр талархаж байна” гэв.

“Бид нэг гэр бүл болж, А-аас Z хүртэл дэлхийг аваръя” гэсэн утгатай ASEZ WAO нь “NO MORE GPGP” (хуванцар хог хаягдлыг бууруулах), “Ногоон дэлхий” (гудамж, цэцэрлэгт хүрээлэн цэвэрлэх хөдөлгөөн), “Цэнхэр далай” (гол мөрөн, далай цэвэрлэх аян), “Эхийн ой” (дэлхий даяар мод тарих хөдөлгөөн), “Ногоон ажлын байр” (ажлын байран дахь байгаль орчин хамгаалах үйл ажиллагаа) зэрэг сайн дурын үйлсийг санаачлан хэрэгжүүлэгч байгууллага юм. 

зураг
 
зураг
 

Бурханы сүм дэлхийн сайн мэдээний авралын зар нийгэмлэгийн дэргэдэх ASEZ WAO-н албаны хүн, "Эх дэлхийнхээ үзэсгэлэнт байгалийг хамгаалж, хүн төрөлхтнийг эрүүл саруул орчинд амьдрахад нь туслахад залуус бидний оролцоо тун чухал үүрэгтэй байдаг бөгөөд бидний энэхүү багахан үйлс утга учиртай, үр дүнтэй байгаасай гэж хүсэж байна" гэлээ.

ASEZ WAO нь Улаанбаатар хотын Баянзүрх дүүргийн Чулуун-Овоо ба Сансарын ойр орчим, Хан-Уул дүүргийн Богд уул, Баянгол дүүргийн 3,4-р хороолол, Чингэлтэй дүүргийн Бөмбөгөр худалдааны төв зэрэг олон газруудад тав тухтай орчин бүрдүүлэхийн төлөө сайн дурын хөдөлгөөн өрнүүлж байсан байна. Зөвхөн байгаль орчин цэвэрлэхээс гадна цас арилгах, мөстсөн зам цэвэрлэх зэрэг арга хэмжээнүүдийг ч зохион байгуулжээ. Мөн Хан-Уул дүүргийн нутаг дэвсгэрт байрлах Нэгдсэн эмнэлэгт амьсгалын замын өвчтэй хүүхдүүдийг эмчлэх эмнэлгийн тоног төхөөрөмж болон эм, эмэн бүтээгдэхүүнээр ханган туслах ажлыг ч хийгээд амжсан байна. Өвлийн улиралд утаанаас болж агаарын бохирдол ихсэж, амьсгалын замын өвчнөөр өвчлөх хүүхдүүдийн тоо эрс нэмэгдэж байсан тул тухайн үеийн энэхүү арга хэмжээ нь цагаа олсон ажил болжээ.

зураг
 
зураг
 

ASEZ WAO-н сайн дурын ажил дэлхийн улс орнуудад өрнөсөөр байдаг. Саяхан Перугийн Байгаль орчны яамтай хамтран ажилласан бөгөөд Перу ба Солонгост байгаль орчны концерт, форум уулзалтуудыг зохион байгуулж, иргэдийн байгаль орчны талаарх мэдлэгийг дээшлүүлэхэд хувь нэмрээ оруулжээ. Нэмж дурдахад боловсролын салбарт дэмжлэг үзүүлэх, нийгмийн халамжийг дэмжих, онцгой байдлын үед тусламж үзүүлэх, соёлын солилцооны арга хэмжээ зохион байгуулах зэрэг янз бүрийн салбарт тасралтгүйгээр үй олон үйл ажиллагаа зохион байгуулсан аж.

Тэднийг олон улс орны засгийн газар болон орон нутгийн засаг захиргаанаас шагнаж урамшуулсан бөгөөд томоохон шагналуудыг дурдвал, АНУ-ын Ерөнхийлөгчийн сайн дурын ажлын алтан шагнал (хамгийн дээд шагнал), Перу улсын Хунин мужийн захирагчийн шагнал, Филиппиний Лейте мужийн Амбан захирагчийн талархал, Энэтхэгийн Ахмаднагар хотын даргын өргөмжлөл, АНУ-ын Нью-Йорк хотын Бруклин дүүргийн шагналууд багтаж байгаа юм. Түүнчлэн байгаль орчны олон улсын шагнал болох “Ногоон дэлхийн шагнал”, “Ногоон алим” шагналыг хүртэж, “Ногоон дэлхийн элч”-ээр томилогдсон байна.

Үүний зэрэгцээ ASEZ WAO-н харьяалагддаг Бурханы сүм нь Монгол орны өнцөг булан бүрд төрөл бүрийн сайн дурын үйл ажиллагааг тасралтгүй өрнүүлсээр байгаа юм байна. Байгаль орчин цэвэрлэхээс гадна Улаанбаатар хотын Баянгол дүүрэг, Баянзүрх дүүрэг, Эрдэнэт хотод 1020 ширхэг суулгац тарьж, нүүрсхүчлийн хийг бууруулах, цөлжилтөөс сэргийлэхэд хувь нэмрээ оруулжээ. “Ахмадын баяр”-ыг тохиолдуулан ахмад настнуудыг урьж өдөрлөг зохион байгуулж, эмзэг бүлгийн эмэгтэйчүүдийг ажлын байраар хангах үүднээс оёдлын машин хандивлаж, хорооны цагдаагийн хэсгийг хамгаалалтын хэрэгслээр ханган ажиллаж байжээ.

 

Энэ мэдээнд өгөх таны хариулал?
26
Зураг
ХӨӨРХӨН ЮМ
14
Зураг
ЗӨВ, ГОЁ
1
Зураг
ГАЙХМААР
1
Зураг
БАХАРХМААР
Зураг
ХАХА
Зураг
ХАРАМСАЛТАЙ
Зураг
ТЭНЭГЛЭЛ
Зураг
БУРУУ
ИЛГЭЭХ
БОЛИХ
Зураг
Баярлалаа
25 СЭТГЭГДЭЛТЭЙ
0/1000
Эхний
Сүүлийн
Шилдэг
Зочин [64.119.24.201] 2023/6/30
Uurchlultiig urgelj sain saihnaar uursduu ulgerlen hiideg ene baiguullagyn zaluust uneheer talarhaad barshguine ee, bayarlalaa. Ta nar uneheer wow woow!!
1 | 0 Хариулах
Зочин [66.181.161.245] 2023/6/27
Их дэлгүүрийн зүүн хойд талын зам дагуух шавар амбааруудыг буулгаж газрыг нь нийтийн эзэмшилд авахыг хүсье. Хотын төвийн гутамшиг болоод байгаа.
0 | 0 Хариулах
Зочин [103.212.117.118] 2023/6/27
Мундаг үлгэр жишээ үзүүлдэг залуучууддаа баяр хүргэе. Одоо ийм залуучууд ховор байна. Залуу хүн ядардагч, өрөөлдөө хүндэтгэлтэй боловсон, тэвчээртэй, тусархаг залуучуудыг харж бүх залуучууд ийм байгаасай.
3 | 0 Хариулах
Зочин [66.181.161.19] 2023/6/27
Мундаг залуус байна. Илүү ихийг хийхийг хүсэе.
1 | 0 Хариулах
Zutgey [202.126.89.30] 2023/6/26
Toloo
2 | 0 Хариулах
Сонин хачин [64.119.16.141] 2023/6/26
Монголын лам нар нэг хог цэвэрлэчихдэг билүү!!! Христийн байгууллагууд дунд ч сайн муу гэж бас байгаа шүү сайн мундаг үйл ажиллагаатай сүм ч бас байгаа эдгээрийн нэг нь яалт ч үгүй ASEZ WAO дэлхийн хэмжээний том байгууллага манайх жижиг улсад энэ байгууллага байгаад баярлах хэрэгтэй шүү ялгаж харьцуулж харах хэрэгтэй шдээ зарим нэг хар энергитэнгүүд. Христ гэхээр л муу нэртэй солонгос ч гэх шиг одоо болиоо хөгшчүүлээ энэ дэлхий чинь нэг шүү эх байгаль дэлхий амьдарч буй орчноо цэвэр цэмцгэр байлгах нь бидний үүрэг ийм үйлсэд оролцох нь маш чухал шүү. Хэл угсаа шашин шүтлэгээр бүү хэмж энэ бол бидний л хот.
4 | 0 Хариулах
Zochin [64.119.16.141] 2023/6/26
Сайн дурын энэ хамт олон жил болгон л маш олон сайн үйлс хийх юмаа танай хамт олныг байнга дэмждэг шүү Монголын зуу зуун залуус ийм байгаасай. Харин муулж буй хүмүүс нь хотын хөгжлийг хойш нь татагч троллууд юмдаа ийм хүмүүс нь алга болоосой хүүхэд хүчиндэгч лам нараа л муу хэл.
2 | 0 Хариулах
erdenee [192.82.71.200] 2023/6/26
Өнөөгийн залуусийг манлайлсан сайн залуус байна бүгэд инээмсгэлсэн байна чин сэтгэл харгдаж байна.Баярлалаа залуусдаа
1 | 0 Хариулах
Зочин [59.153.113.163] 2023/6/26
Сайхан сэтгэлтэй хүмүүсийн гаргаж байгаа үйлс нь хүртэл сайхан юмаа.
2 | 0 Хариулах
Зочин [202.179.27.109] 2023/6/26
Хошуу нэмэхээр хуруу нэм гэд үг байдагдаа танай сайхан сэтгэлт хамт олонд муулах тусам улам их гялалзаарай гэж ерөөе
2 | 0 Хариулах
Зочин [202.126.89.247] 2023/6/26
Henees hezeech yu ch guilguigeer uursdiinhuu tsever ariun gal haluun setgeleer baigal delhiidee eyregeer huvi nemree oruulj baigaad talarhay🙆🏻‍♀️🙆🏻‍♀️🙆🏻‍♀️
2 | 0 Хариулах
Зочин [66.181.161.92] 2023/6/26
Өөрсдөө юу ч хийгээгүй байж хийж байгаа нэгнээ муулаад яахав~ Жижиг зүйлсээс олон зүйл өөрчлөгдөнө дөө. Амжилт хүсье. Монголын залуус урагшаа~
3 | 0 Хариулах
Зочин [202.126.90.113] 2023/6/26
🫶🫶🫶🫶🫶
2 | 0 Хариулах
Зочин [103.161.242.72] 2023/6/26
Манайхан нээрээ энд тэндгүй хог хаядаг ядуу ухамсартай! Ийм сэтгэлтэй байх хэрэгтэйшдээ би лав дэмжиж байна. Зарим нь ганц лааз ч түүгээгүй байж олон юм ярих юм. Юу ч хийгээгүй хүн л бусдыг гоочлоод амиа бодоод явдаг!!! Залуучууд мундаг байна.
2 | 0 Хариулах
Зочин [103.161.242.171] 2023/6/26
Өнөөгийн залуусыг манлайлан үлгэр жишээ үзүүлээд ийм сайхан үйл ажиллагаа зохион байгуулж байгаа танай хамт олонд улам илүү амжилт хүсье. Сайн зүйл хийвэл дандаа сайхан зүйл л дагаж байдаг. Бас Эх дэлхийгээ хайрлаж байгаа энэ залуучуудыг харлуулах гэж бичсэн комментүүд үнэхээр харамсалтай юм. Өнөөгийн Монгол улсын нийгэмд ийм "Хог" хүмүүс хогоо хаяхаа больчихвол илүү сайхан болох юмаа
3 | 0 Хариулах
зочин [202.131.248.166] 2023/6/26
Христийн сүмийн үйл ажиллагаа юм биз дээ.Христийн гэхээсээ солонгосын нөлөөг тэлэх гэсэн бодлогын хүрээнд хийж буй ажиллагаа. БНХАУ н бас нэг эмэгтэй номлогчийн их гоё нэртэй сүмийнхэн бас өрсөлдөгч болчихоод байгаа. Саваагүй,сониуч, хөнгөмсөг, буурь суурьгүй,хамгийн гол нь оюун санааны үнэт зүйлгүй,аливаа зүйлийн цаад зорилгыг эргэцүүлэх чадваргүй залуусыг сайхан урвуулах юм даа.
0 | 12 Хариулах
Сувдаа [103.254.123.85] 2023/6/26
Маш сайн .Үнхээр дэмжих хэрэгтэй Өсөж байгааа Залуус маань нийгэмээ гэсэн сэтгэлтэй болж ирээдүйд ирэх үедээ бас нэг Хүнлэг ухаан дамжуулахаа суралцаж явааа Залуусдаа баярллааа Гавьяатай Залуус Урамаар тэтгэх хэрэгтэй 🥳 Таны уудаг ундны усны эхийг хуванцарын бохирдолоос хамгаалаж байгаль орчиноо гэсэн сэтгэлийг нь магтаж сур.
4 | 0 Хариулах
Сувданцэцэг [64.119.19.34] 2023/6/26
Эх дэлхий эх орноо чин сэтэлээсээ хайрладаг амаараа ярих биш үйлсээрээ харуулж байгаа ASEZ WAO сайн дурын залуучууддаа талархая.
3 | 0 Хариулах
Зочин [122.201.21.163] 2023/6/26
Ямар нэг юм хийхээрээ заавал пезда нэг төлбөртэй мэдээ нэвтрүүлгэ шаах юмаа. зүгээр дугайл хийлдээ
1 | 8 Хариулах
... [66.181.183.99] 2023/8/13
энэ төлбөргүй нийтлэл
0 | 0 Хариулах
zochin [93.22.36.220] 2023/6/26
Gandangiin lam nar orchin toirnoo tsever bailgax uil ajillagaand idevxtei oroltsox ba zoxion baiguulj baix xeregtei
0 | 0 Хариулах
Зочин [66.181.161.43] 2023/6/26
Oo iim hujaa bulgem baiguulchaa yu
0 | 9 Хариулах
Zochin [202.126.88.77] 2023/6/26
Yg ingej bugd hicheej oroltsoh heregtei bn. Delhiin bdal uneheer notstoi bdald bn shuu dee. Ireeduin ur huuhdiinhee tuluu bugd ingej zuv amidrah estoi. Ta nart bayrlalaa.
5 | 0 Хариулах
Зочин [66.181.161.217] 2023/6/26
Пээ түкийнхэн цэвэрлээд бхд ийм их гарч бга юмуу
2 | 0 Хариулах
Зочин [174.192.66.11] 2023/6/26
Gandangiihan hvvhed bugsduj bhaar iim yum hiigeesei. Jil bvr gandand ugdug tusuwiin mungiig odoo bolih heregtei
7 | 0 Хариулах