УИХ-ын гишүүн Т.Аюурсайхан, Д.Бат-Эрдэнийн бүрэн эрхийг түдгэлзүүлж, Н.Наранбаатарыг үлдээхээр болжээ
УИХ-ын гишүүн Т.Аюурсайхан, Н.Наранбаатар, Д.Бат-Эрдэнийн бүрэн эрхийг түдгэлзүүлэх асуудлыг чуулганы хуралдаанаар хаалттай хэлэлцсэн юм.
Эх сурвалжийн мэдээлснээр, УИХ-ын гишүүн Т.Аюурсайхан, Д.Бат-Эрдэнэ нарын бүрэн эрхийг түдгэлзүүлж, Н.Наранбаатар гишүүнийг үлдээхээр болсон байна.
Бүрэн эрхийг түдгэлзүүлэх саналыг гишүүдээс цаасаар авчээ.
Уг асуудлаар УИХ-ын гишүүн Н.Энхболд "Санал хураалтыг цаасаар явууллаа. Гишүүдийн олонх Т.Аюурсайхан, Д.Бат-Эрдэнэ гишүүний бүрэн эрхийг түдгэлзүүлэх нь зөв гэж үзлээ. Харин Н.Наранбаатар гишүүний бүрэн эрхийг түдгэлзүүлэх шаардлагагүй" гэв.
Бүрэн эрхийг нь түдгэлзүүлсэн гишүүдийн гэм буруутай нь тогтоогдвол нөхөн сонгууль явуулах нөхцөл байдал үүсэх юм.
Харин сонгуулийн үйл ажиллагааг зохион байгуулах цаг хугацааны хуваарийг Сонгуулийн Ерөнхий Хороо батална.
