Гэрэл зургийг MPA агентлагийн онцгой зөвшөөрөлтэйгөөр ашиглав

“Бүргэдийн баяр” арга хэмжээ "Чингис хааны хүрээ" аялал жуулчлалын цогцолборт амралтын өдрүүдэд болж өндөрлөлөө.

Энэ үеэр бүргэдтэй парад, хиймэл өгөөш бариулах тэмцээн, көкбар-тулам булаалдах, газраас зоос шүүрэх тэмцээн, морьтон баатруудын үзүүлбэр, харцага шонхор шувуудын үзүүлбэрүүдийг үзэгчдэд сонирхуулав.

"Бүргэдийн баяр 2023" наадмын шилдгүүд:

• Зоос шүүрэх тэмцээний ялагч Э.Батбилэг /Төв аймгаас оролцогч/
• Тулам булаалдах тэмцээний ялагч Баян-Өлгий аймгийн Сагсай сумын бүргэдчин С.Женисбек

Бүргэдээ гаршуулж, сургасан байдлаар:

1. Баян-Өлгий аймгийн Сагсай сумын бүргэдчин К.Наурызбек наадмын шилдгээр
2. II байр Баян-Өлгий аймгийн Улаанхус сумаас оролцож байгаа бүргэдчин И.Баглан
3. III байр Баян-Өлгий аймгийн Сагсай сумаас оролцож байгаа бүргэдчин Б.Хайзым нар шалгарчээ.

Хаврын улирал, Наурызын баярыг угтан казах үндэстний ёс зан заншил, өв уламжлал, дахин давтагдашгүй өвөрмөц соёлыг сурталчлан таниулахын зэрэгцээ залуу үедээ өвлүүлэн үлдээх, гадаад, дотоодын жуулчдыг татах зорилготой арга хэмжээ хэмээн Нийслэлийн Аялал жуулчлалын газар, Монголын бүргэдчид холбоо ТББ-аас онцоллоо.

Бүргэдийн баяраас дарсан гэрэл зургууд