ВИДЕО: Зайсан тойруугийн замын хөдөлгөөнд орж буй өөрчлөлт

Бямба гарагийн өглөөний 06:00 цагаас эхлэн Зайсан тойруу нэг чигийн хөдөлгөөнтэй болно. Замын хөдөлгөөнд өөрчлөлт орох зохицуулалтыг дүрсээр харуулсныг хүргэж байна. /Эх сурвалж: Замын хөдөлгөөний удирдлагын төв/

Тодруулбал, ХААИС-ийн баруун хойд уулзвар, Хийморийн овоо талаасаа буюу Дүнжингаравын гудамж баруунаас зүүн, зүүнээс баруун чиглэлтэй урагшаа хойшоо чигээрээ явна. Харин хойноос ирж буй тээврийн хэрэгсэл зөвхөн чигээрээ буюу баруун эргэнэ.

Дугуй цагаан руу явдаг гурван замын уулзвар нэг чигийн хөдөлгөөнд орно. 

ХААИС-ийн уулзвар огтлолцолгүй болно.

Зайсан тойруугаа тойроод баруунаас зүүн чиглэлд зорчих иргэд ХААИС дээр гэрэл дохионы хүлээлтгүйгээр баруун эргэнэ хэмээн Замын хөдөлгөөний удирдлагын төвийн Хөдөлгөөн зохицуулалт хяналтын хэлтсийн дарга Н.Намуу мэдээлж байв.