Япон улс Хятадаас ирэх зорчигчдоос коронавирусийн шинжилгээний хариу шаардахаар болжээ
Хятад улс ирэх оны эхнээс тус улсад гадаад орнуудаас ирсэн зорчигчдод тавьдаг хорио цээрийн дэглэмээ сулруулахаар болсон билээ.
Энэ шийдвэр нь дэлхийн аялал жуулчлалын салбарт томоохон үйл явдал болж, улс орнууд тус тусын холбогдох арга хэмжээг авч эхлээд байна.
Тухайлбал Япон улсын засгийн газар Хятадын эх газраас ирэх зорчигчдоос коронавирусийн шинжилгээний хариу шаардахаар болсноо өчигдөр зарлажээ.
Арванхоёрдугаар сарын 30-ны шөнө дундаас эхлэн мөрдөгдөх журмын дагуу шинжилгээний хариу нь эерэг гарсан зорчигчдыг долоо хоног тусгаарлах юм байна.
Бас Хятадын эх газрын хотууд руу нислэгээ нэмэгдүүлэх агаарын тээврийн компаниудын хүсэлтэд хязгаар тогтоохоо Япон улсын ерөнхий сайд Фүмио Кишида мэдэгджээ.
Япон улс цар тахлын улмаас хоёр жил гаруй хугацаанд хилээ хаасан байснаа энэ оны аравдугаар сараас эхлэн гадаадын жуулчдыг шинжилгээний хариу, вакцины гэрчилгээ шаардалгүйгээр хүлээж авах болсон юм.
Эх сурвалж: Reuters
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
3 СЭТГЭГДЭЛТЭЙ
|
