385,000 тонн нүүрс хулгайд алдагдсан нь тодорхой болжээ
Нүүрсний хулгайн асуудлаар мэдээлэл хийж буй УИХ-ын гишүүд ялгаатай тоон мэдээллийг хэлж байгаа.
Иймд бодитой тоо нь аль болохыг Засгийн газрын гишүүдээс тодруулав. Үүнд "УИХ дээр Түр хороо байгуулагдаад ажиллаж байгаа. Ямар мэдээллээс ямар тоог хэлж байгааг тухайн гишүүдээс асуух хэрэгтэй байх. Өнөөдрийн байдлаар тодорхой болсон байгаа тоо нь 385,000 тонн нүүрс хулгайд алдагдсан байна.
Засгийн газар хариуцлагатай байх ёстой, олон нийтэд бодит мэдээлэл өгөхөөр хандаж байгаа. Түүнээс биш нүүрсний хэргийг сарниулах гээд байгаа гэж ойлгож болохгүй. УИХ-ын гишүүд ямар байдлаар тоо баримтууд хэлээд байгааг ойлгохгүй байна" хэмээн ЗГХЭГ-ын дарга Д.Амарбаясгалан хариулав.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
