ФОТО: Жагсаж байгаа иргэд Ерөнхий сайдыг гарч ирэхийг шаардан, Төрийн ордон руу нэвтрэхээр оролджээ
Нүүрсний хулгайчдад хариуцлага тооцож, нэрсийг нь ил тод болгохыг шаардсан иргэдийн жагсаал Төв талбайд хоёр дахь өдрөө үргэлжилж байна.
Төв талбайд жагсаж байгаа иргэд УИХ-ын гишүүд болон Ерөнхий сайдыг гарч ирэхийг шаардан хашхирч байна.
Тодруулбал, Монгол Улсын Ерөнхий сайд Л.Оюун-Эрдэнийг гарч ирж, шаардлагын хариуг өгөхгүй бол зам хаасаар байх болно гэдгийг иргэдийн төлөөлөл хэлж байгаа юм.
Одоогийн байдлаар Төрийн ордныг цагдаагийн алба хаагчид хамгаалалтад аваад байна.
Цагдаагийн байгууллагын мэдээлснээр "Дайрч орох гэсэн иргэдийг гаргасан. Мөн олноор бие биеэ түлхсэнээс болж нэг иргэний бие муудсаныг цагдаагийн байгууллагаас яаралтай чөлөөлөх коридор гаргаж, эмнэлгийн байгууллагад хүлээлгэж өгсөн. Цагдаагийн байгууллагаас чанга яригчаар иргэдэд хууль эрх зүйн талаар зөвлөмж, мэдээлэл болон өөрсдийн аюулгүй байдлыг хангах талаар танилцуулан ажиллаж байна" гэлээ.
Энэ талаар бид үргэлжлүүлэн мэдээлэх болно.
ФОТО
