ЕБС-ийн сурагч доод ангийнхаа сурагчдыг зодож буй бичлэгийг цагдаагийн байгууллага шалгаж байна
ЕБС-ийн ахлах ангийн сурагч доод ангиа сурагчдыг дээрэлхэж, хэрцгийгээр зодож байгаа бичлэг цахим орчинд тараад байна.
Тодруулбал, нэгэн сурагч фэйсбүүк хуудаснаа "47 дугаар сургуулийн 12а ангийн Тэмүүлэн ах бид нарыг байнга дээрэлхэж, зодож, мөнгө нэхэж байна. Бид нар одоо тэсэхгүй нь. Адилхан хүн биз дээ, яагаад сурах ёстой гэгээлэг байх ёстой сургууль дээрээ дарамтад орох ёстой юм бэ хичээлдээ явахаас айж байна. Энэ асуудлыг яг яах ёстойгоо ойлгохгүй байна. Амьдрахаас айж байна" гэж бичээд, бичлэгийн хамт нийтэлжээ.
Уг бичлэгтэй холбоотой асуудлыг Цагдаагийн Ерөнхий Газраас шалгаж эхэлсэн тухай албаны эх сурвалж хэллээ.
Бид энэ талаарх дэлгэрэнгүй мэдээллийг эргэн мэдээлэх болно.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
