С.Буянжаргал: Осол гаргасан эмэгтэй Дотоодын цэргийн штабын дарга Чингисийн хүүхэд биш
Энэ сарын 10-ны өдөр Олимп хотхоны хойд замд долоон машин мөргөж, 12 настай хоёр хүүхэд гэмтээсэн осол гаргасан эмэгтэй “М” нь жолооч биш, найз залуу болох “Б”-г согтуугаар машин жолоодуулахгүй байх зорилгоор түүний төрсөн ахын "Toyota Land Cruiser 200"-г жолоодож явсан байна хэмээн Цагдаагийн байгууллагаас мэдээлээд байгаа.
Осол гаргасан иргэний ард хууль хяналтын байгууллагын том хүн бий гэх хардлага нийгмийн сүлжээнд тарсан. Үүнд Тээврийн Цагдаагийн Албаны Мөрдөн шалгах газрын дарга, цагдаагийн хурандаа С.Буянжаргал тайлбар хийлээ.
Тэрбээр "Тухайн жолоо барьж явсан, одоо шалгагдаж байгаа М гэгч эмэгтэйн овог нь Дотоодын цэргийн штабын дарга, бригадын генерал Чингисийнх байна гэсэн хардлага нийгмийн сүлжээнд тарсан байна. Ийм зүйл байхгүй, Чингис даргын хүүхэд биш гэдгийг албан ёсоор мэдэгдье. Түүний ард төрийн байгууллагад ажилладаг эрх бүхий албан тушаалтан байдаг нь тогтоогдоогүй" гэлээ.
