ОХУ-ын иргэн манай улсын иргэнийг гэмтээжээ
Согтууруулах ундааны зүйл хэрэглэсэн үедээ муудалцаж, нэгнийхээ толгойг алхаар гэмтээсэн байна.
Есдүгээр сарын 25-ны 00:30 цагт БГД-ийн дугаар тоотод Буриад улсын иргэн цагдаа дуудаад өгөөч гээд байна гэх дуудлага цагдаагийн байгууллагад иржээ.
Уг дуудлагыг шалгахад ОХУ-ын иргэн “Д” 2022 оны есдүгээр сарын 22-23-ны өдөр Монгол Улсын хилээр нэвтэрсэн. Хил дээр танилцсан Монгол Улсын иргэн “А”-н гэрт түрээс төлж амьдрахаар 2022 оны есдүгээр сарын 24-ний өглөө 09:00 цагт ирсэн байна.
Энэ өдөр “А”, “Д” нар нь тус байрны тоотод оршин суух “Г”-ийн гэрт орж хамт согтууруулах ундааны зүйл хэрэглэжээ. Улмаар манай улсын иргэн “Г”, ОХУ-ын иргэн “Д” нар муудалцаж “Д” нь иргэн “Г”-ын толгойн дагзан тус газар алхаар гэмтээсэн байна. “Д” үүний дараа цагдаад дуудлага өгсөн нөхцөл байдал тогтоогдож хэргийг БГД-ийн цагдаагийн газар үргэлжлүүлэн шалгаж байгаа аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
