Наймдугаар сарын 1-нээс 5-11 настай хүүхдүүдэд харьяа сум, өрхийн эрүүл мэндийн төв дээр коронавирусийн эсрэг вакцин хийхээр боллоо
5-11 насныхныг коронавирусийн эсрэг вакцинд хамруулах хугацаа болон хаана очиж хийлгэх талаар ХӨСҮТ-өөс мэдээллээ.
ХӨСҮТ-ийн дархлаажуулалтын албаны эмч В.Байгал "Өнөөдрийн байдлаар бүртгэгдэж буй нийт коронавируст халдварын 20 гаруй хувийг хүүхдүүд эзэлж байна. Үүний дотор 5-11 насныхан 40%-ийг эзэлж байгаа.
ДЭМБ болон АНУ-ын Хүнс Эмийн Холбоо, Дархлаажуулалтын Зөвлөх Хороо, Европын Эмийн Холбооноос 5-11 насны хүүхдэд коронавирусийн эсрэг вакцин хийх зөвлөмжийг 2021 оны аравдугаар сард гаргасан. Дэлхийн 150 гаруй улс орон коронавирусийн эсрэг вакциныг хүүхдэд хийж өвчлөлөөс хамгаалж байна.
Үүнээс гадна ДЭМБ болон АНУ-ын Хүнс Эмийн Агентлаг, Европын Эмийн Агентлагаас 5-11 настай хүүхдийг коронавирусийн эсрэг вакцины эхний хоёр тунг хийлгэсэн бол бүүстер буюу нэмэлт тунг таван сарын дараа авах боломжтой гэсэн зөвлөмжийг гаргасан байна" хэмээн ярилаа.
АНУ-аас Монгол Улсын 5-11 насны хүүхдүүдийг дархлаажуулахад зориулж 300,000 тун Файзер вакциныг өгөөд байгаа билээ.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
