ФОТО: Өмнөговь аймгийн Даланзадгад суманд дэлхийн стандартад нийцсэн “Говийн байгаль" түүхийн музей нээгдлээ

Гэрэл зургийг MPA агентлагийн онцгой зөвшөөрөлтэйгөөр ашиглав

Өмнөговь аймгийн Даланзадгад суманд “Говийн байгаль, түүхийн музей” өнөөдөр нээлтээ хийлээ.

Энэхүү музей дэлхийн стандартад нийцсэн засал чимэглэл, тоног төхөөрөмжөөр тоноглогдсон танхимууддаа 4,000 гаруй үзмэр, эд өлгийн цуглуулгатай аж. 

Өмнөговь аймгийн нутагт одоогоос 4,500-5,000 жилийн өмнө хүн амьдарч байсан ул мөр бүхий Цахиуртын хөндий, Оцон мааньт, Баянзаг, Чоно шургуул, Төгрөгийн ширээ зэрэг газруудаас олдсон эртний болон палеонтологийн олдворууд мөн говийн ард түмний дундаас төрсөн алдар гавьяатан, урчууд дархчуудын бүтээлийн дээжсийг музейд байрлуулжээ.

Мөн Ноён Сэврэйн дархчуулын дахин давтагдашгүй хийц бүхий мөнгөн аяга (аймгийн есөн гайхамшгийн нэг) гоёл чимэглэл, сав суулга, шашны эдлэл хэрэглэл, шүтээн зураг, хөгжмийн зэмсгүүдээс гадна чулуун зэвсгийн үеэс хүрэл, төмрийн үеийн олдворуудтай энд танилцах боломжтой аж. 

Энэхүү музейг “Оюу толгой” компанийн хөрөнгө оруулалттай Говийн Оюу Хөгжлийг Дэмжих Сангийн 10.9 тэрбум төгрөгийн санхүүжилтээр барьсан байна.

ФОТО: