• 12 сарын 17, Лхагва
|
Уншиж байна ...
ХУУЧИРСАН МЭДЭЭ: 2022/03/25-НД НИЙТЛЭГДСЭН

Б.Бат-Амгалан: Улаанбаатар хотод жилд 80 мянга орчим иргэн хөдөө орон нутгаас нүүж ирж байна

П.Сайнжаргал, IKON.MN
2022 оны 3 сарын 25
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Монголын эдийн засгийн чуулганы "Хот, хөдөөгийн сэргэлт" урьдчилсан хэлэлцүүлгийн хүрээнд Улаанбаатар хотын авто замын түгжрэлийг бууруулах бодлогыг салбарын төлөөллүүд хэлэлцсэн юм. 

Нийслэлийн түгжрэл, хүн амын төвлөрлийн асуудлаар УИХ-ын гишүүн, түр хорооны дарга Б.Бат-Амгалан тоон мэдээлэл хүргэв. 

Монгол Улс 3.4 сая иргэнтэй. Үүний 1,639,172  буюу 48 орчим хувь нь нийслэл хотод төвлөрөн суурьшжээ. 
Улаанбаатар хотод жилд 80 мянга орчим иргэн хөдөө орон нутгаас нүүж ирж байна. Жишээ авч үзвэл, Ховд аймгийн бүх иргэд нийслэл рүү шилжиж ирж байна гэсэн үг. 
зураг
 

Тэрбээр АНУ-ын хүн амын шилжилт хөдөлгөөнийг Монгол Улсын иргэдийн шилжилт хөдөлгөөнтэй харьцуулан үзүүлэв. 

1800 оны үед АНУ-ын нийт хүн амын таван хувь нь хот суурин газарт амьдарч байжээ. Харин 1900 оны үед 50 хувь, 2000 оноос өнөөг хүртэл 80 хувьтай төвлөрсөн үзүүлэлт бий.
1935 онд манай улсын нийт хүн амын 15 орчим хувь нь хотод амьдарч байсан. Энэ тоо өнөөдрийн байдлаар 50 хувь болсон дүр зурагтай байгаа юм. Өөрөөр хэлбэл, 20-30 жилийн хугацаанд хотын төвлөрөл, шилжилт хөдөлгөөн маш хурдацтай өсжээ. 
зураг
 

УИХ-ын гишүүн Б.Бат-Амгалан "Улаанбаатар хотын хүн амын төвлөрөл, шилжилт хөдөлгөөн маш хурдацтай өссөн. Иймээс асуудлаа эндээс ярьж эхлэх нь зүйтэй болов уу. 

Мэдээж үндсэн хуулиар олгогдсон эрхийн хүрээнд хүн амьдрах газар нутгаа чөлөөтэй сонгох эрхтэй. Тиймээс ч шилжилт хөдөлгөөнд хатуу хориг тавих боломжгүй байна л даа. Энэ цаг үед төвлөрлийг дагасан түгжрэлийн асуудал тулгамдаж байгаа юм. Мөн түгжрэлийн улмаас олон асуудал ч үүсэж байна.  Улаанбаатарын иргэд энхийн цагт дайны байдалд байгаа мэт ажиллаж амьдарч байна" гэсэн юм.