Зах, бөөний худалдааны төвүүдийг Хөшигийн хөндий, Эмээлт, Налайх руу шилжүүлэх нь зөв гэдэг судалгааны дүн гарчээ
Улаанбаатар хотын төвлөрлийг сааруулахын үүднээс зах, бөөний худалдааны төвүүдийн үйл ажиллагаатай холбоотой судалгаа явуулсан байна. Уг судалгаанд оролцогчдын дийлэнх нь зах, худалдааны төвүүдийг үе шаттайгаар нүүлгэн шилжүүлэх нь зөв гэдэг хариулт өгчээ.
Ингэхдээ Хөшигийн хөндий, Эмээлт, Налайх зэрэг бүсэд худалдаа эрхлэгчдийг үйл ажиллагааны чиглэлээр нь суурьшуулахаар төлөвлөсөн байна.
Улаанбаатарт томоохон 111 зах, худалдааны төв байдаг бөгөөд эдгээрт 25,288 худалдаа эрхлэгч үйл ажиллагаагаа явуулдаг аж.
Нийслэлийн сургалт, судалгаа, олон нийттэй харилцах газраас өгсөн мэдээллээр зах, худалдааны төв ажиллахгүй өдөр ойролцоох уулзваруудаар зорчих тээврийн хэрэгслийн тоо 10-15%-аар буурсан үзүүлэлт гарчээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
