ФОТО: "Шинийн наймны Цагаан дара эх" үзэсгэлэн хоёрдугаар сарын 16-ныг хүртэл иргэдэд нээлттэй
Хаврын тэргүүн сарын шинийн найман өнөөдөр тохиож байна.
Энэ өдөр Цагаан дара эх бурхныг нэг өдрийн дотор бүтээх уламжлалт арга хэмжээг "Богд хааны ордон" музейн үзэсгэлэнгийн танхимд амжилттай зохион байгууллаа.
Нэг өдрийн Цагаан дара эх үзэсгэлэнд нийт 50 гаруй Цагаан дара эх дэлгэгдэх ба 2013 оноос хойш зохиогдож буй уг үзэсгэлэнд танка зургаас гадна, Цагаан дара эхийн загал зургуудыг музейн фондоос анх удаа үзэгч олноо дэлгэж буй онцлогтой.
Загал зургууд дотор V Богдод залбирал шүлэг бичсэн загалыг үзмэрт дэлгэсэн нь он цагийн хувьд илүү эртний болоод судалгааны ач холбогдол бүхий онцлох бүтээл аж.
1902-1924 оны хооронд үргэлжилсэн уламжлалыг Богд Хааны Ордон Музей 2013 оноос эхлэн “Нэг өдрийн Цагаан дара эх” нэртэй бурхан бүтээх үйл ажиллагааг сэдэвчилсэн үзэсгэлэнгийн хамтаар зохион байгуулах болсноор 10 дахь жилээ угтаж байгаа нь энэ юм.
Тус үзэсгэлэн Богд Хааны Ордон Музейд хоёрдугаар сарын 9-16-ны өдрийг хүртэл зохиогдох ба үнэ төлбөргүйгээр үзэгчдэд хүрнэ.
ФОТО СУРВАЛЖИЛГА:
