ВИДЕО: Оюутолгойн гүний уурхайн үйлдвэрлэлийн эхний шат буюу анхны тэсэлгээ хийж буй үйл явц

Гэрэл зургийг mpa.mn

Оюутолгойн гүний уурхайн үйл ажиллагааг өнөөдөр албан ёсоор эхлүүллээ.

Энэ үеэр Ерөнхий сайд Л.Оюун-Эрдэнэ Гүний уурхай бүрэн ашиглалтад орсноор Монгол Улс дэлхийд тавд эрэмбэлэгдэх өндөр технологийн гүний уурхайтай болж, олон улсын зах зээлд зэсийн томоохон тоглогчдын нэгд тооцогдож, Монгол Улсын эдийн засаг болон төсөвт оруулах үр өгөөж багадаа гурав дахин нэмэгдэх боломжтой гэдгийг хэлэв. 

Тус уурхайн үйл ажиллагаа 2023 оны эхний хагас жилд жигдэрч, бүрэн хүчин чадлаараа ажиллана гэсэн тооцоо гарчээ. 

Оюутолгойн ордын нийт нөөцийн 80 гаруй хувь нь газрын гүнд буюу гүний уурхайн хэсэгт оршдог. "Оюу толгой" компани гүний блокчлон олборлох аргаар үйл ажиллагаа явуулах аж. 

ВИДЕО: (Гүний уурхайн үйлдвэрлэлийн анхны тэсэлгээг хийж буй үйл явц)