СТАТИСТИК: Хөвсгөл аймаг малын тоогоор тэргүүлж байна

Гэрэл зургийг mpa.mn

Энэ жил улсын хэмжээнд 67.3 сая толгой мал тоологдлоо. 

Мал тооллогын урьдчилсан дүнгээр 4.3 сая адуу, таван сая үхэр, 453.8 мянган тэмээ, 31.1 сая хонь, 26.5 сая ямаа тоологджээ. Өмнөх онтой харьцуулахад хонь, үхэр, адууны тоо толгой өссөн бол ямаа, тэмээнийх буурсан байна.

Эх сурвалж: ҮСХ

Хамгийн их малтай аймгийг нэрлэвэл:

1. Хөвсгөл аймаг 5.9 сая мал
2. Архангай аймаг 5.6 сая
3. Хэнтий аймаг таван сая
4. Төв аймаг 4.7 сая
5. Сүхбаатар аймаг 4.2 сая мал тоолуулсан байна.

Эх сурвалж: ҮСХ

Орхон, Сэлэнгэ, Завхан, Баян-Өлгий, Дорноговь, Архангай, Булган, Хэнтий, Дорнод, Сүхбаатар, Ховд, Увс, Хөвсгөл аймагт малын тоо өмнөх оноос 17.4-440.0 мянгаар өсжээ.

Харин Дархан-Уул, Говьсүмбэр, Улаанбаатар хот, Төв, Говь-Алтай, Өмнөговь, Өвөрхангай, Дундговь, Баянхонгор аймгуудын хувьд малын тоо өмнөх оноос 5.2-712.8 мянгаар буурсан байна.

Эх сурвалж: ҮСХ

Архангай аймаг адуу, үхэр, хонины тоогоор, Өмнөговь аймаг тэмээний тоогоор, Хөвсгөл аймаг ямааны тоогоор тэргүүлжээ.

Хамгийн олон малтай сумд:

1. Хэнтий аймгийн Өмнөдэлгэр сум 662 мянга
2. Хэнтий аймгийн Хэрлэн сум 529.3 мянга
3. Сүхбаатар аймгийн Баяндэлгэр сум 523.1 мянга
4. Хөвсгөл аймгийн Цагаан-Уул 494.1 мянга
5. Архангай аймгийн Эрдэнэмандал сум 485.5 мянган малтай.