Монгол, Оросын харилцаа, хамтын ажиллагааны 100 жилийн түүхэн зургуудаас
Энэ жил Монгол Улс, ОХУ хооронд дипломат харилцаа тогтоосны 100 жилийн ой тохиож байна.
Дипломат харилцаа тогтоосноос хойш хоёр улсын ард түмэн олон улсын харилцааны өрнөл, хувьслаас шалтгаалсан олон том сорилт бэрхшээлийг хамтын хүчин чармайлт, хамтын тэмцлээр даван туулж, дайны дараах бүтээн байгуулалтад гар нийлэн шаргуу хөдөлмөрлөсний дүнд баялаг арвин агуулгатай, мартагдашгүй дурсамжтай түүхийг бүтээсэн билээ.
Хоёр улсын гадаад харилцааны түүхэнд чухал ач холбогдолтой энэхүү түүхэн ойг тэмдэглэх хамтарсан төлөвлөгөөг хоёр тал өнгөрсөн онд тохиролцож, энэ оны туршид хэрэгжүүлж байна.
Энэ хүрээнд Ерөнхийлөгч У.Хүрэлсүхийн ивээл дор “Зууны түүх - зуун онцлох үйл явдал” гэрэл зургийн үзэсгэлэн өнөөдөр Уран зургийн галерейд нээгдлээ. Дараа нь МУИС зэрэг байгууллагад гэрэл зургийн үзэсгэлэнг үргэлжлүүлэн гаргах юм байна.
Уран зургийн галерейд нээгдсэн үзэсгэлэнгээс хийсэн фото сурвалжилгыг хүргэж байна.
