2021/10/27
Америк доллар
МОНГОЛ БАНК:
2,849.11₮
B30
УЛААНБААТАР
14°
|
-4°
B30
УЛААНБААТАР
11°
|
-2°
B30
УЛААНБААТАР
|
-3°
06:00
S31
-4°
07:00
S31
-5°
08:00
S32
-5°
09:00
S32
-2°
10:00
S32
11:00
S32
12:00
S32
13:00
S32
14:00
S32
10°
15:00
S32
10°
16:00
S32
10°
17:00
S32

"Гаргасан хуулиа өөрсдөө мөрдөхгүй байгаа Засгийн газрыг эрх зүйн чадамжгүй гэж үзэн, огцрохыг шаардаж байна"

Б.Бадамгарав, IKon.mn
2021 оны 9 сарын 22
iKon.MN
Зураг
Гэрэл зургийг mpa.mn

NoNaadam хөдөлгөөнөөс цаг үеийн асуудлаар өнөөдөр хэвлэлийн хурал хийлээ.

Тус хөдөлгөөний дэмжигч, өмгөөлөгч А.Пүрэвдулам "Засгийн газраас 183 дугаар тогтоол гарган, Ардын хувьсгалын 100 жилийн ойг 101 жилийн ойтой хамтатгах тэмдэглэх, аймаг нийслэлийн Засаг дарга нарт баяр наадам, тэмдэглэлт ой хийхгүй байхыг даалгасан. Тогтоолыг хэрэгжилтэд хяналт тавихыг Шадар сайд С.Амарсайханд даалгажээ.

Гэвч долдугаар сард энэхүү 183 дугаар тогтоол гарснаас хойш огт биелээгүй. Зүүн бүсийн наадам 2021 оны наймдугаар сарын 23-нд Дорнод аймагт, мөн өдөр төвийн бүсийн наадам Сэлэнгэ аймагт болжээ.

Баруун бүсийн наадам Ховд аймагт, Сутай хайрхны тахилга Говь-Алтай аймагт, Залуучуудын холбооны 100 жилийн ой зэрэг гурван ойд зориулсан 512 бөхийн барилдаан Хүй долоон худагт болсон.

Иймд Шадар сайд, Сэлэнгэ, Ховд, Дорнод, Говь-Алтай, Завхан аймгийн Засаг дарга нар болон Нийслэлийн Засаг дарга нарыг Засгийн газрын тогтоолыг хэрэгжүүлээгүйнхээ төлөө хариуцлага хүлээж, нэн даруй огцрохыг шаардаж байна" гэлээ.

Энэхүү шаардлагыг NoNaadam хөдөлгөөнөөс наймдугаар сарын 23-нд Засгийн газарт өгсөн аж. Гэвч одоог хүртэл хариу ирүүлээгүй байгаа тул зохион байгуулалтад орж, тэмцлийн хурц хэлбэрт орж байгаагаа зарлалаа. 

"Гаргасан хуулиа өөрсдөө зөрчиж байж иргэдийг хууль мөрд гэж шаардаж болохгүй"

Түүнчлэн гаргасан тогтоолоо хэрэгжүүлж чаддаггүй, хэрэгжилтэд нь хяналт тавьдаггүй Засгийн газрыг эрх зүйн хувьд чадамжгүй гэж үзэж байгаагаа тэрбээр илэрхийлж, Засгийн газрыг огцрохыг эрчимтэй шаардах болно гэв.

Өмгөөлөгч А.Пүрэвдулам "Өөрсдийн санаачилж, УИХ-аар батлуулсан хуулиа өөрсдөө нэг бүрчлэн зөрчсөн. Иргэдийг хуулиа мөрдөхийг шаардаж, зөрчвөл хариуцлага хүлээлгэж байгаа.

Гэвч өөрсдөө гаргасан хуулиа зөрчиж байж иргэдийг хууль мөрд гэж шаардаж болохгүй. Иймээс л энэ Засгийн газрыг чадамжгүй гэж үзэж байгаа юм. Иргэдээ басамжлан доромжилсон ийм байдлыг хүлцэн тэвчээд байвал цаашид хуулийн өмнөх бүгд тэгш байх тухай яриад ч хэрэггүй болох юм" гэлээ.

x