Уншиж байна ...
ХУУЧИРСАН МЭДЭЭ: 2021/09/15-НД НИЙТЛЭГДСЭН

Улаанбаатарт 1,645, орон нутагт 1,092 хүн коронавирусийн халдвараар өвчилж, 10 иргэн нас баржээ

Г.Өлзийхутаг, iKon.mn
2021 оны 9 сарын 15
iKon.MN
Зураг зураг
Гэрэл зургийг mpa.mn

Улсын хэмжээнд сүүлийн 24 цагийн хугацаанд шинээр 2,737 хүнээс коронавирусийн халдвар илэрлээ.

Ингэснээр нийт бүртгэгдсэн тохиолдол 263,446 болж нэмэгдэв.

Шинээр илэрсэн тохиолдлууд бүгд дотоодын халдвар бөгөөд

  • 1,645 нь нийслэл хотод,
  • 1,092 нь орон нутагт бүртгэгджээ.

Мөн хугацаанд 5,680 иргэн эдгэрч, эмнэлгийн болон гэрийн ажиглалтаас гарчээ.

Харин коронавируст халдварын улмаас 21-80 гаруй насны 10 хүн нас барсан харамсалтай мэдээлэл байна.

Тодруулбал,

  • 21-40 насны - нэг
  • 41-60 насны - дөрөв
  • 61-80 насны – гурав
  • 80-аас дээш насны хоёр хүн нас барсан талаар ЭМЯ-наас мэдээллээ.

Өнөөдрийн байдлаар уг өвчний хүндрэлээр нийтдээ 993 хүн эндээд байна.

Талийгаачдын гэр бүл, төрөл төрөгсдөд гүн эмгэнэл илэрхийлье.

Одоогоор коронавируст халдварын улмаас улсын хэмжээнд 20,867 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 44,122 хүн Өрхийн эмчийн хяналт дор гэрээр эмчлүүлж байгаа.

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

  • Хөнгөн – 12,887
  • Хүндэвтэр- 5,908
  • Хүнд – 1,758
  • Маш хүнд – 314 хүн байна.