Уншиж байна ...
Зураг
Зураг
ХУУЧИРСАН МЭДЭЭ: 2021/07/19-НД НИЙТЛЭГДСЭН

ИНФОГРАФИК: Л.Энх-Амгалан, С.Амарсайхан нар хөрөнгөөрөө сайд нарыг хол хаяжээ

A.Жаргал
2021 оны 7 сарын 19
iKon.MN
Зураг зураг
Гэрэл зургийг MPA.mn

Авлигатай тэмцэх газраас төрийн өндөр албан тушаалтнуудын 2020 оны хөрөнгө орлогын мэдүүлгийг ил болгосон байна. 

Засгийн газрын гишүүдийн хөрөнгө, орлогыг доорх инфографикуудаас дэлгэрэнгүй харна уу. 

Л.Оюун-Эрдэнийн танхимаас Соёлын сайд Ч.Номингийн хөрөнгө, орлого бүртгэгдээгүй байна. Тэрбээр 2021 онд анх сайд болсон тул хөрөнгө орлогын мэдүүлэг нь 2020 оныход бүртгэгдээгүй ажээ.

Бусад гишүүдийг харвал БШУ-ны сайд Л.Энх-Амгалан, Шадар сайд С.Амарсайхан нарын хөрөнгө 16 тэрбум төгрөгөөс илүү буюу хамгийн өндөрт тооцогдож байгаа бол бусад сайд нарын хөрөнгө 2 тэрбум орчим төгрөгт хэлбэлзэж байна

Харин хөрөнгийн эрэмбээрээ Ц.Нямдорж, Л.Оюун-Эрдэнэ нарынх хамгийн сүүлд бичигджээ. 

ХЗДХ-ийн сайд Х.Нямбаатар хурдан удмын 36, Ерөнхий сайд Л.Оюун-Эрдэнэ таван адуутай

Сайд нараас хамгийн олон малтай нь Эрчим хүчний сайд Э.Тавинбэх байна. Тэрбээр 583 адуу, 1,510 хонь, 180 ямаатай ажээ. 

Засгийн газрын гишүүдээс 5 нь хурдан удмын адуутайгаас хамгийн олон адуутай нь ХЗДХ-ийн сайд Х.Нямбаатар ажээ. Тэрбээр хурдан удмын 36 адуутай аж. Түүнээс гадна 

  • Сангийн сайд Б.Жавхлан 28
  • ХХААХҮ-ийн сайд З.Мэндсайхан 18
  • Ерөнхий сайд Л.Оюун-Эрдэнэ 5
  • Гадаад харилцааны сайд Б.Батцэцэг 5 хурдан удмын адуутай ажээ. 

Тээврийн хэрэгсэл брэндээр

Дүрслэл дээр дарж дэлгэрэнгүй харах боломжтой

Нэг жилийн хугацаанд Л.Энх-Амгалан, С.Амарсайхан нарын хөрөнгө хамгийн их өсжээ

Хөрөнгийн өөрчлөлт нь анхаарал татсан үзүүлэлт юм. 

Нэг жилийн хугацаанд орлого нь хамгийн өссөн сайд нарыг Л.Энх-Амгалан, С.Амарсайхан нар тэргүүлж байна. 
БШУ-ны сайд Л.Энх-Амгалангийн орлого 3.2 тэрбум, Шадар сайд С.Амарсайханы орлого 1.7 тэрбум төгрөгөөр өсжээ. Харин 

  • Зам тээврийн сайд Л.Халтарын орлого 196 сая
  • ХХААХҮ-ийн сайд З.Мэндсайханых 109 сая
  • Уул уурхайн сайд Г.Ёндонгийн орлого 63
  • Эрүүл мэндийн сайд С.Энхболдынх 6 сая төгрөгөөр тус тус буурсан байна. 

Гэр бүлийн орлогын хувьд Хууль зүй, дотоод хэргийн сайд Х.Нямбаатарынх жилийн хугацаанд 48 сая төгрөгөөр, Эрчим хүчний сайд Н.Тавинбэхийнх 58 сая төгрөгөөр тус тус өссөн бол ХХААХҮ-ийн сайд З.Мэндсайханых 45 сая төгрөгөөр буурчээ.

Хадгаламжийн тухайд 

  • Г.Ёндон - 124 сая
  • Б.Батцэцэг - 103 сая
  • Л.Энх-Амгалан - 57 сая төгрөгөөр хадгаламжаа өсгөсөн нь хамгийн өндөрт тооцогдож байна. 

Үзүүлэлт тус бүрээр эрэмбэлэн харах боломжтой